Full resolution (TIFF) - On this page / på denna sida - Oratio de statu scientiarum Historicarum sub finem Seculi decimioctavi
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Ne Vestra, Auditores, nimis abutar patientia, hæc ulterius
persequi nolo, de recentissimis, quæ Historia Svecana et
Fennica cepit incrementis, nonnulla tantum additurus. Quo
nomine lætissimum nobis fuisse Seculi nostri finem, facile est
ad intelligendum. Licet enim jam multis abhinc seculis viri
exstiterint de Historia Svecana contexenda solliciti, nostro
tamen inprimis ævo et egregio scribendi genere et sedula in
antiqua nostra historia adhibita sagacitate, præ antiquioribus
se commendarunt Historici nostri. Illustrissimos et de
Historia nostra Sveoana optime meritos Dominos Svenonem
Lagerbring, Regiæ Cancellariæ Consiliarium, et Andream af Botin,
Regii Cameræ Collegii Consiliarium, jam amisimus: at alii
loco eorum surrexerunt viri optimi. Nominasse sufficiat
Dominos Rosenhane, Hallenberg, Murberg, Nordin, ceteros ut
prætereamus. Antiquæ nostræ historiæ Johannes Magnus,
ultimus in Svecia Archi Episcopus Pontificius multas
immiscuerat fabulas. Sic seriem Regum Sveciæ a Magog, Noachi
nepote, incipit. Quæ vero omnia jam pridem sunt explosa.
Narrationem de Familia Forniotheriana non esse Historicam,
sed Mythologicam primus demonstravit Illustrissimus Ihre.
Atque jam inter omnes nostros constat Historicos, Historiam
Svecanam ante seculum post Christum natum decimum nec
esse certissimam neque aperte falsis non immixtam commentis.
Sic omnia incerta a certis in Historia antiqua distinguere
diligenter studuerunt recentiores. De Historia Svecana medii ævi
immortaliter meritus est Illustrissimus Lagerbring. Plurimi
qui in recentiori Historia conscribenda desudant, laboribus
suis satis ostendunt, quanti Patriæ faciant Historiam.
Denique nostro demum tempore in Historia Fenniæ
elaboranda diligentem eruditi nostri posuerunt operam. Spissis
huc usque tenebris Patriæ hujus nostræ involuta erant fata
antiquiora: at longe jam aliter res se habent. Quam vero
lætam Historiæ Fennicæ faciem inprimis debemus viro de
tota Finlandia multis nominibus meritissimo, cujus vero merita
hodie commemorare etsi discipulo suo incumberet, ejus tamen
omnium ore celebratæ laudes reddunt minus necessarium.
Læte igitur sub finem seculi decimi octavi omnes florent
ad Historiam pertinentes scientiæ: quarum studium, utpote
utilissimum, vobis, juvenes carissimi, vehementer commendo.
<< prev. page << föreg. sida << >> nästa sida >> next page >>
