Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Helene visste ikkje si arme Raad. Ho torde ikkje
vera aaleine; um Barne skulde døy ? her midt paa Natti ?
Ho klara det ikkje. I si Naud hadde ho skrivi til
Jonathan ; men det var no berre ei Tankeløyse...
Madam Paalsen lova aa tenkje etter; um ho kunde
vita nokon aa sende; men daa ho kom utanfor Døri,
saag ho, at han «Fætteren» var i Farvatne. Aa haa,
det er han, tenkte ho; so greider nok han det.
Daa Georg Jonathan kom inn, sat Helene der med
Barne paa Fange og saag skral ut. Og der lukta av
Nafta og Moskus. Ho takka han for han kom; han
spurde etter og fekk ei lang Utgreiding; ho grét og
fortalde, og fortalde og grét. Naa, naa sagde Jonathan,
lat meg sjaa paa Barne! Aa pytt, det er sterkt enno;
det døyr ikkje i Natt. — Aa; De skulde sjaa, kor ho
lid; det er Rid etter Rid, so ho fær aldri Fred; og heile
den vesle Kroppen vert skaka og rivin, so eg toler ikkje
aa sjaa det. Aa, eg er so rædd. Og so sit eg her aaleine;
um ho døydde i Natt, og eg ingin hadde til Hjelp, so
heldt eg det aldri ut. Og ho grét som ho sjølv skulde
hava Krampe.
Det var heitt inne; men den kvævne Lukti som Rome
elles hadde var no døyvd av Medisinlukt. Jonathan gjekk
att og fram og tenkte. Her sit desse arme Dyr, sagde
han til seg sjølv, og hev det som Hundar; og endaa grét
ho yvi at Ungen skal faa døy!
Aa! aa Gud, no kjem det att! skreik Helene; aa, Gud
hjelpe oss; aa, Gud Fader hjelpe vesle Gunda! aa gjev
meg den Flaska; nei den der; aa Gud hjelpe deg so
sant; Jonathan tok Flaska og talde Dropane upp i ei
Te-Skeid; Barne fekk deim, so godt som det lét seg
gjera. Men Ridi kom. Vesle Gunda laag og bibra i
Reivane sine; det skalv og drog seg i kvar litin Lém og
Léd; Augo gjekk sanselause rundt; Munnen vreid seg
406
<< prev. page << föreg. sida << >> nästa sida >> next page >>
