Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
130
FRED
og snild, men segjer at me maa alle vera fornøgde i
den Stand og Innstiftels Gud hev sett oss.
„So til Futen. Og so til Skrivaren. Og so til
Amtmannen. Og so til Bispen. Og so til Stiftamtmannen.
Og til Slutt til Statsraaden. Men alle segjer: vi har nok
med oss sjølve; vi kann kje hjelpe nokon.
„Daa gjeng Arbeidsmannen beint rakt ende fram for
sjølve Kongen. So bøygjer han seg for Kongen og
gebærdar seg; og so segjer han som so:
Stormeg-tigaste Konge i eders høie Naades Majestæt og
Herleg-heit! segjer han; so og so er det; eg kann kje liva
med ein Skilling; eg maa ha halvannan, og det er
endaa det minste; Bonden hev tvo, og det er kje meir
enn sovidt han bergar seg. Hjelp meg, Konge, i din
Majestæts høge Naade! for eg vil kje svelta ihel, eg
meir enn dei andre.
„Men Kongen svarar: skulde eg hjelpe deg, maatte
eg ta fraa dei andre, og det kann eg ikkje. Du lyt
berge deg sjølv. So maa me alle.
„No er det Funderingi kva Arbeidsmannen daa skal
ta seg til. Liva kann han ikkje; svelta vil han ikkje;
utanfor Planken kann han ikkje koma; og inginstad fær
han Hjelp. So tenkjer han som so: skal eg berga meg
sjølv, fær eg berga meg som eg kann; Livsens
Innretning og Væsens Maate er slik her paa denne
Planken. Dermed gjeng han i si Uppriktigheit av og tek
den halve Skillingen, som han maa ha; og daa er det
so vidt at han slit Live og bergar Magen og Naturen
i den største Simpelheit."
Fante-Tomas saag listig ut.
„So liver dei alle ihop," heldt han fram; „kvar paa
sin Maate. Dei paa den eine Enden liver godt liksom
fyrr, og dei paa den andre Enden maa la seg det
gefalla.
„Men legg no Merke til, at Planken ligg ute under
Himilens Friheit og rotnar i Sol og Regn og
Aarstidernes Umvandlingar; og so veit me, kossleissen det
<< prev. page << föreg. sida << >> nästa sida >> next page >>
