Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
og læt han gange med den. Ja Syndaren som gjer vel
er betre Gudsbarn enn den rettferdige som dømer.
Paa Domedag vert me ikkje høyrde i Pontoppidan.
Gjerningane vaare skal døme oss som dei kvar Dag
dømer oss; dei viser kva me er. Armingen vert dømd
etter som han bér si Armod og Rikingen etter som han
nyttar sin Rikdom; og Domen er rettvis; inst inne i
vaart eigi Samvit sit Domaren, Menneskjesonen; me
høyrer hans Røyst kvar Dag.
Til vanlegt endar Rikingen i Pinsla; han vert leid
baade seg og Tilvære sitt. Millionherrar som flakkar
Verdi kring og faafengt freistar aa døyve sine leide
Minne, dei kann vitne um det; like eins Storsnytarar
som plaastrar sitt sjuke Samvit med Gaavur til Kyrkjur
og Fatighus og mykje og mangt. Men ærleg tent og
vel nytta Rikdom er ei Gudsgaave; sjølve Fader
Abraham var rik. Og for syndig Rikdom er der Tilgjeving,
naar Syndaren bøter. Tollaren Sakkæus rette upp att
det galne han hadde gjort og gav Helvti av sitt Gods
til dei fatige; sidan fekk han Meistaren sjølv til Gjest.
Mykje vert den tilgjevi som elskar mykje.
I vaare Heimar og Tidir er mange fatige, endaa dei
gjerne vil arbeide; deim hjelper ein som ein skal, naar
ein steller det so at dei kann hjelpe seg sjølve. Læt du
deim faa Arbeid og løner deim rimeleg, so skal du ikkje
sakne di Løn; endaa betre Verk gjer du, um du læt
Fatigmann faa Jord, so han klarar seg sjølv; rette
Maaten her er den som du, Gudleik, brüka, daa du skifte
Garden din med ein fatig Bror, so han no greider seg
godt, men kjenner seg Kaupar og ikkje Olmösumann.
Men dei minste, Born og uføre og sjuke og gamle,
deim gjev me det dei treng, og gjev det med Hugnad;
me veit for visst, at det me gjer imot deim, det gjer me
mot Menneskjesonen.
<< prev. page << föreg. sida << >> nästa sida >> next page >>
