Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
258
SJØ
Me var so langt komne no at me maatte stige ut.
Men andaa var det eit Par Minuttar att upp til
Kyrkjegarden.
„Ein skulde verkeleg maatte segja," tok eg fram-i
daa me var utkomne, „at her kviler ein Mann som
gjekk til Grunns, som — naa, stutt og beint: som
døydde av aa vera paa den galne Sida?"
„Det kann me vel ikkje segja. Han hadde kunna
slegi seg igjenom so vel som nokon av oss, naar han
berre hadde brüka Umtanke."
„Men naar me tek Mannen som han var, meiner eg."
Kjenningen min drog ein Gong til paa Aksline.
„Ein kann aldri segja slikt," sagde han. „Gjeng ein
Mann til Grunns, so fær ein segja at Vaarherre hev
teki’n."
„Ja den Mannen er god aa skulde paa," murra eg.—
— Ved Inngangen til Sofieberg Kyrkjegard stend det
ei liti Laann av Tre med ein Kross paa. Der gjekk me
inn. For denne Laanni er Gravkapell der paa Staden.
Den fatige svarte Kista stod paa eit Par laage Skamlar
um Lag midt for Inngangen. Ho var prydd med Kransar,
og med Band i norske Fargar; vent prydd. Jamsides,
paa eit Par andre Skamlar, stod ei Barnekiste, endaa
armare, endaa svartare, utan Kransar og utan Band.
Trast etter kom eit Par Mennar berande med endaa ei
Barnekiste, som dei sette fraa seg paa endaa eit Par
Skamlar. So skulde daa Vénen vaar fara aat Jordi i
Barnefylgje.
Det var slett ikkje for seint. Me laut jamvel vente.
Presten var ute og kasta Jord paa eit anna Lik — det
var Søknad til Kyrkjegarden paa slik ein Vaardag —;
og dei hadde nok ikkje meir enn ein Prest aa gjera
med i Dag, daa den andre, Soknepresten, skulde vera
med ved Høgtidi i Storthinge. Me laut daa taka det
med Ro, stole paa Overfrakkane vaare og tære paa
Tölmode.
Dauden hev elles noko med seg som gjer at ein
<< prev. page << föreg. sida << >> nästa sida >> next page >>
