Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
328
I HEIDANE
Aksline, som elles hev vorti so underleg burte. Yvi
Nakken ligg det som ei tung Hand. Det gjeng Bivnir
og klaare Flekkir for Augo.
Det er livande i Fjelle. Gygri bur der i Bergjo
nord. Burt-i alle Leite gjeng Buskapen hennar. Brune
Stutar, brandute Kyr; svarte store Hestar; dei beiter
og svingar med Rovur og Faks. Upp i Skard og
Høgdir stend runde digre Troll og veiftar med Armane
og gjæter. Trollskapen hev det godt i Høgheidane
no; Kristfolke er heimfari.
Der rekkjer ei Rad med brune Bjørnar. Eg vert
standande og furdar paa dette; flyt dei seg? Eg tek
Merke med Augo og médar og mæler. Men kann kje
faa Tak paa det. Alt er ustødt og usætande; alt flyt
og glid. Dei stend visst paa same Staden. Men
likevel rekkjer dei. Det er rart. Det er vel slikt dei
kallar Synkverving.
Klokka mi stend; eg hev gløymt i Gaarkveld aa
draga ho. Men Tidi gjeng. Kalde Vindgufsar tek til
aa slaa ned ifraa Nordvestheidane. Det friskar. Her
og der stig ei Sky. Det himer seg til i Vest og Sud;
Soli slørest. Vindkasti kjem oftare; Elvi kyngjer; skal
me hava Regn att? Gud vere æveleg Lov og Takk.
Her gjeng eg og glor med opne Augo og ser ikkje.
Drøymer eg? — Der stend Hytta.
Daa lo eg. No var all Sut sløkt. Attunder ein
god Stein der Soli stod paa sette eg meg og heldt
Dugurd. Det smaka ikkje noko av Turrmaten lenger;
men Mat maa ein hava, um ein so skal tyggje
Skosolar. Og Tankane sveiv og dreiv. Desse underlege
Ordi, Mytemaals Ord som vakna i Elvesong og
Vind-sus, døyvt ropande, kunde eg stundom skilja. „Langan
Leid!" sagde det. „Bak fram!" — Det kann vel au
hende at eg hev dorma ei Stund. Eg hugsar at det
liksom med ein Gong hadde vorti so mykje myrkare i
Lufti. Og store blaae Regnhausar hadde skoti seg upp
i Nord og Vest.
<< prev. page << föreg. sida << >> nästa sida >> next page >>
