Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
92
KOLBOTNBREV
Femte Desember. Isande Vind. Himiien tung av
blaae Snøskyir.
Me køyrer upp Isen paa Glaama inntulla i Pelsar
og Sjal; Kjeringi i Sledesæte med Sjapa paa Fange;
eg frami Dumpen; fyri oss Skjuss-karen med
Kuffertlasse. Ut paa Ettermiddagen er me framme.
Kolbotn-Stogo sting seg fram or Snøen som ei stor
Tuve og ser jammerleg ut. Me stig inn; der er kaldt
som i ein Iskjellar. I Gruva ei liti Snøfonn.
Det gjeld aa faa Varme. Eg hiver Pelsen og ber
inn Ved. Men Veden er raa. Eg ligg i Gruva og
pustar og blæs ei Stund, men kjem ingin Veg. Det
berre kokar og sjoar i dei raae Vedskidine.
Me hev fengi sett upp ein Komfyr til Vinterbruk;
Hulda ligg paa Kne og strævar med aa faa det til aa
brenne i den. Men han dreg ikkje. Stend berre og
røykjer gjenom alle Ringar og Opningar; Kjeringi fær
Augo og Lungur fulle av Røyk; upp med Døri.
So kjem han Ola og ho Anne og hjelper oss. Han
Ola fær det til aa brenne paa Aaren; men Komfyren
er det inkje Raad med. Der er for lite Drag; Veden
er for raa, og Komfyren er for kunstig. Der er
Steike-Omn i han; og Røyken maa gaa i ein Ring rundt um
den fyrr han naar Pipa; men han vinn ikkje rundt,
berre eimar ut gjenom alle Ringar og Opningar. Me
fær hjelpe oss med Gruva so lengi. Elden ut or
Komfyren; upp med Vindauga; me held paa aa kovne
av Røyk. Hulda hev teki Skinnpelsen av seg, men
maa faa han paa seg att. Me drikk Konjak og bankar
Flogur. Han Ola trøyster oss med, at det lyt feil’ bi
likare naar det bir meir upplett Ver. ..Aa ja; du kann
vita det blir likare," segjer ho Hulda.
Han Ola ber inn Vatn, og ho Anne fær Kaffikjelen
paa. Me tek til aa opne Kuffertar og Kassur; snart
ser Stoga ut som ei Pakkbu. Det myrknar; me fær
Lampa upp og kveikjer Ljos. Han Ola steller med
Varmen. Det vil berre slokne for han; og kvar Gong
<< prev. page << föreg. sida << >> nästa sida >> next page >>
