Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ofte, og kom godt til Lags. Hauk tenkte med seg, at
kanskje hadde han her funni den Trøystaren som skulde
syngje Sorgi hans i Ro. Ho var so barnsleg; og so
skulde ho daa visst ikkje piaage han med Trui. For
etter alt det han kunde forstaa trudde ho ikkje meir
enn ein Kattunge.
Dette gjekk til ei Tid. Men so kom den usæle Stundi,
daa Glansen gjekk av denne Vénskapen med. Hauk
visste ikkje kven som hadde Skuldi; han visste berre
at den «barnslege» Gjenta ikkje var likare enn andre
av det Slage. Og sidan hadde ho vist seg baade mindre
tankelaus og mindre barnsleg enn fyrr. Ho bad han
um so mykje no; Hauk fekk stundom ei Kjensle av, at
ho gjorde seg ei Forretning av denne «Vénskapen».
Og dertil kom ein annan Ting. Han fekk ein Dag høyre,
at naar ho tok det so lett med Trui som ho gjorde, so
var det i Tillit til hans Tru. Ho meinte ho kunde vera
trygg for Straff naar der ingin Vaarherre var; og der
var ingin Vaarherre, naar ein Mann som Eystein ikkje
trudde paa han. Dette var mest verre enn alt; Hauk
vart leid og drog seg ifraa henne. Og Milla fann seg i
det; for ho hadde nok funne seg ein ny «Lærar».
So hadde Eystein Hauk paa nytt vori eit Leikverk
for eit laust Kvende. Det vart alt upp i Styggedom for
han; og Suti si hadde han ikkje vunni yvi; den laag og
brann i Bringa som fyrr. Og mindre enn nokon Gong
kunde han gjeva upp Tanken paa Ragna. Kvar skulde
han av? Han var trøytt, skamfull, hugbrötin; og utan
Ragna var han so hjelpelaust aaleine, — med alle dei
lystige Vénene sine. Kvar skulde han av. Alle Vegar
var stengde, utan den eine som førde til Undergang.
Hadde dei likevel Rett, desse som sagde, at ingin kunde
halde seg uppe i Motgang, utan han hadde si kristne
Tru?
59
<< prev. page << föreg. sida << >> nästa sida >> next page >>
