Full resolution (TIFF) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Лаврентьева лѣто и осень и зиму всю братъ твои пословъ
своихъ к намъ не присылывалъ, а прислалъ уже подъ весну
пословъ своихъ князя Нилша Гулденстерна да Магнуса Иванова
да Ирика Гоконова да Матфѣя Скуберта да Пантелѣя Юрьева.
И послы брата брата (!) твоего князь Нилшъ с товарищы на
томъ з бояры нашими договоръ учинили, что брату твоему
Ирику королю намъ отдати недруга нашего литовского короля
сестра (!) Катарина (!), а намъ его пожаловати с собою въ
братстве учинити, а про тебя и тогды(!) никоторого слова учинили,
что ты живъ. И мы тѣмъ вашимъ свѣискимъ людемъ
повѣрили, велѣли свою жаловальною грамоту написати, какове наше
жаловалное грамоте пригоже быти, къ брату твоему Ирику
королю, а той своеи жаловалнои грамоте велѣли есмя печать
свою золотою привѣсити. А каковѣ грамоте пригоже брата
твоего быти, и такову грамоту написали брата твоего послы
князь Нилшъ с товарищы. И на тѣхъ есмя грамотахъ сами
крестъ целовали передъ послы брата твоего, хотячи жаловати
брата твоего и всю свѣискою землю, и пословъ брата твоего к
нему отпустили. А к брату твоему послали отъ своего
царьского седалища степени величества того дѣла подтвердити боярина
своего и намѣстника смоленского Ивана Михаеловича Воронцова с
товарищы. А тотъ нашъ бояринъ великои человѣкъ; отецъ его,
Михаело Симяновичъ, былъ отъ нашего величества бояринъ и
намѣстникъ въ Великомъ Новѣгороде и с твоимъ отцемъ з Густаусомъ
в ровнои ссылке былъ. И какъ тотъ бояринъ и намѣстникъ нашъ
смоленскои Иванъ Михаеловичъ Воронцовъ с товарищы пришли
въ вашу свѣискою землю, и то дѣло по тому не учинилось. А
ты учинился на свѣискомъ королевствѣ, а брата своего изымалъ
еси, а нашего величества боярина и намѣстника смоленского
Ивана Михаеловича Воронцова и нашихъ дворянъ и дьяка
обесчестили и грабили и в однои сорочке поставили, и нашихъ
дворянъ и дѣтеи боярскихъ ограбили. И но ваши люди солгали,
а нашего величества бояринъ и намѣстникъ смоленскои Иванъ
Михаеловичъ Воронцовъ и наши дворяне и дьякъ и дѣтеи
боярские про что(!) ограблены и обезчестены, и отпустилъ еси
ихъ не вѣдомо которымъ обычаемъ очеи своихъ не да видети,
и обезчестивъ кабы(!) с полону, а животовъ ихъ не сыскалъ,
а охто(!) ихъ ограбилъ и обезчестилъ и отъ тѣхъ ихъ не
оборонилъ. А после того прислалъ еси к намъ пословъ своихъ,
бископа абовского Павла с товарищи, а наше царьского (!)
6
<< prev. page << föreg. sida << >> nästa sida >> next page >>
