Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
— LIII —
hafa fallið vel að koma til maddömu Margrétar Andreu
Knud-sen; hún var ekkja Lars Knudsens verzlunarstjóra (d. 1828),
en var borin og barnfædd hér á landi og íslenzk í móðurætt;
ágæt kona. Hún bjó með börnum sínum í Landakoti, átti
nokkr-ar ungar og laglegar dætur, er giftust síðar merkum mönnum,
svo sem alkunnugt er.*) Ein þeirra systra var Christiane
Dor(o)thea; hún var á 17. árinu og mun Jónasi hafa þá þegar
litizt vel á hana, en raunar fara engar sögur af því. „Serenade",
sem hann virðist hafa ort um þetta leyti (I. b., bls. 243—45),
mun hann þá hafa gert til hennar. Kvæðið er mesta gull, „eins
og hver maður getur séð", og mætti ætla, að hverri stúlku, sem
komin væri til vits og ára, hlýnaði um hjartaræturnar, þegar
hún heyrði kveðið svo til sín af slíkum manni og Jónas var í
alla staði. Hvert erindið er öðru fallegra, eins og festi úr
dýr-indis perlum. Hann lýsir hinni fögru mey, augnaráðinu t. d.:
Som dit 0je
Stjernen i det høje
smiler ikke blidt i natlig Dans.
Lasten bæver,
naar du Blikket hæver,
Sorgen flygter for dets muntre Glans.
Frá þvi um likt leyti mun vera erindið „Impromtu paa Bal",
er hann hefir mælt af munni fram við einhvern danskan
kunn-ingja sinn á dansleik í Reykjavik. — Þá orti hann einnig
af-mæliskvæði til Ulstrups, er hann varð 38 ára, 26. Marz (I. b.,
bls. 245—46). — En íslenzkra kvæða verður ekki vart frá þessu
ári fremur en hinu siðasta á undan, nema ef vera skyldi, að
gamankvæðið „Óskaráð" sé frá þessu ári, eins og liklegt er (I.
b., bls. 157—58). — Ulstrup fór utan um sumarið (1831) og
Jónas fól honum á hendur bréf til Tómasar. Sjálfur komst hann
ekkert, sizt nú, er Ulstrup fór. Svar Tómasar er dagsett 3. Okt.
(Bréf T. Sæm., bls. 91—96). Hann hafði þá fengið að vita af
öðru bréfi, sem Jónas hafði skrifað Lárusi Sigurðssyni, að hann
kæmi ekki það árið til Hafnar, en væri „í standi til að koma að
ári og verða studiosus juris patriæ", þ. e. lesa dönsk lög, og nú
staðfesti Jónas þetta í bréfinu. „Þú sýnist þar í að vera mikið
ánægður með sjálfan þig, að þú af eigin rammleik hefir fundið
upp á að bregða þér niður og taka kúskexamen; telur þú því
helzt til gildis, hvað fljótt þú sjáir fyrir endann á þvi, og að
þú hér ekki þurfir að hætta í miðju kafi vegna peningaleysis".
*) Sjá um þær mæðgur 1 Hvlk 14 vetra, bls. 42, 51—2 og víðar.
<< prev. page << föreg. sida << >> nästa sida >> next page >>
