Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
— CXXVII —
við Gr jótagötu; var síðar nr. 14 í Aðalstræti, en rifið 1932.*)
Hefir Jónas verið að eins þetta haust í þessu herbergi, því að
við húsvitjun í Desember er hann kominn í „Dillonshús", til
madömu Sigríðar Ottesen; það hús er nú nr. 2 við
Suður-götu.**) Mun Jónas hafa verið bar, unz hann fór alfarinn
úr Reykjavik næsta sumar, og húsmóðirin, sem var ágæt kona,
mun hafa séð um, að honum liði vel að svo miklu leyti sem i
hennar valdi stóð.
í bréfi því, sem Jónas skrifaði Finni Magnússyni 29. Sept.
1839 frá Steinsstöðum, greindi hann ástæðurnar til þess, að
hann vildi vera i Reykjavik á komandi vetri, m. a. þá, „að ég
ætla að vita", sagði hann, „hvort mér ekki muni heppnast, með
aðstoð Steenstrups og Schythe, og stiftsyfirvaldanna samþykki,
að koma fótum undir „islenzkt steinasafn" (oryktognostisk og
geognostisk Samling), annað hvort við skólann eða
stiftsbók-hlöðuna, þvi þetta álit ég áríðandi bæði fyrir landið og
vísind-in" (II. b., bls. 28). Finnur svaraði (1. Mai 1840): „Áformið um
stofnan opinbers steinasafns i Reykjavik eða á Bessastöðum er
sérlega fallegt og nytsamlegt; ég óska því sem beztan
fram-gang". Þegar suður kom, hefir Jónas sennilega átt tal um þetta
mál við þá náttúrufræðingana og fleiri, en ekki er kunnugt um,
að hann hafi skrifað neitt um það 1840. En nú, þegar hann
kemur heim úr ferðalaginu haustið 1841, hreyfir hann þessu
máli að nýju, enda mun hann hafa undirbúið það á ferðum
sin-um. Er svo að sjá sem hann hafi nú snúið sér til stiftamtmanns
og jafnvel Jóns Thorstensens landlæknis og fengið góðar
undir-tektir.
í bréfi sínu til Steenstrups 4. (—6.) Okt., II. b., bls. 104,
skrifar hann, að hið íslenzka náttúrugripasafn sé að fæðast og
að sér hafi verið leyft að nota „svartholið" til að safna í, hann
setji safnið undir eftirlit stjórnarinnar og ætli það skólanum,
er til kemur, o. s. frv. Á líkan hátt skrifaði hann Reinhardt
samtimis (bls. 110—11 s. st.) og mæltist til aðstoðar,
gripa-skipta m. a. Mánuði síðar, 5. Nóv. (bls. 114—15 s. st.), skrifaði
hann Steenstrup enn greinilegar um þetta merkilega mál og
skoraði á þá náttúrufræðingana í Höfn að veita sér lið i þessu
efni, og þá skrifaði hann einnig samtimis fjármálastjórninni um
þetta í greinargerð sinni til hennar (sbr. bls. 121 s. st.);
sömu-leiðis getur hann um þetta i bréfi sinu til Finns næsta dag.
Hin-ir dönsku náttúrufræðingar tóku málaleitun Jónasar all-vel.
*) Sjá um þaS í Rvík 14 v„ bls. 73—74, og Sögu Rvíkur, I., 275.
**) Sjá enn fremur aths. vlS þetta bréf til Steenstrups.
<< prev. page << föreg. sida << >> nästa sida >> next page >>
