Full resolution (JPEG) - On this page / på denna sida - Meddelanden och aktstycken - Brev från John Durie åren 1636—1638 utg. av Gunnar Westin
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
westin, brev från john durie
2 o i
tricem esse, nihil est aliud quam Matris vices & officium erga Filios
Dei in hoc mundo plerumque debiliores supplere: hoc est Ecclesiæ
spiritualem statum in publico Regni sinu non tantum habere, fouere,
alere: sed hominum spiritualium in rebus ad publicum statum
spec-tantibus curam suscipere, tutelam administrare, accurateque prouidere
ut nihil in externa vita mali ijs accidat aut boni desit, sed ut illorum
com[m]odis subsidia, incommodis remedia suppetant. Hoc est uno
verbo spiritualis ordinis homines in rebus quæ publicum Religionis
in Regno statum concernunt, suæ tutelæ commissos, summi parentis
loco regere, dirigere, & quæ ex illius præscripto fieri debeant etiam
pro iure suo imperare; tandemque in sæculo extra vocationis suæ
spiritualem sphæram lasciuientes refrænare, ad officium reuocare,
immorigeros & rebelles castigare.
Hæc est illa Magistratui Christiano concessa in Ecclesiam a
Deo potestas nutricia, quam omnes Ecclesiæ filij vere spirituales ei
non illibenter deferunt.
Ergo mihi fas ego non esse iudicaui, quicquam hoc in loco
tentare, quod priuatæ tractationis sphæram excederet, aut agitare
quod ad publici status rationem spectare videretur quod non ad
Eminentis Judicij Vestri cognitionem referre volui: ut nempe illa
Consilia quæ in Ecclesiastica Pace inter Ecclesias Euangelicas
pro-curanda ad omnium publicam ædificationem aliquando momentum
ingens allatura sunt, benigno V:ræ Authoritatis nutu, permissu ac
fauore nutricio a me non aliter quam meam decet tenuitatem
susci-piantur.
Atque hinc iam est quod consentaneum esse duxi officio meo;
ea qua decet obseruantia Petere ab Eminentiss:o Authoritatis V:ræ
circa Ecclesiæ curam in ijs quæ publice agitari debent fastigio; ut
liceat mihi cum euocatis qui in proximo conventu affuturi sunt
theo-logis, de medijs Concordiæ religiosæ inter Euangelicos procurandæ
consilia theologica agitare quæ nulli præiudicio aut exceptioni
ob-noxia esse queant.
Hactenus illi quibuscum priuatim egi, omnes institutum meum
approbarunt, suumque in re promouenda studium contestati sunt fore
paratum. Vbsaliensis insuper Facultas Theologica Fundamentum rei
promouendæ egregium hoc posuit quod ab omnibus exteris
appro-batum iri scio. Nempe Fraternitatis vere Christianæ professionellt
in Fundamentali consensu esse stabiliendam. Fundamentalem autem
consensum, in eadem Fidei Confessione esse contesserandum; &
legi-timis deinde rituum & disciplinæ Ecclesiasticæ canonibus esse
con-firmandum. De priori medio, de Fundamentali videlicet Confessione
condenda quæ omnes dissidiorum causas tollat; & in veritate
salu-tari plenum inter partes consensum inferat, inter nos deliberari
cæp-tum est, sed iam ut ulterius agere cum ijs mihi venia concedatur
benigne contendo.
Nihil præter consultationis modestissime methodum sectabor:
<< prev. page << föreg. sida << >> nästa sida >> next page >>
