Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
turarum, non propria, debemus uti, auctoritate Salomonis,
cum ait: Fili, ne innitaris prudencie tue, et canon inde
sumptus: Nemo suo sensu utatur.
Idcirco pacem generalem querere et a Deo petere
debemus, ut per pacem et in ejus tempore, cum alias fieri
non possit, perfectas virtutes et sciencias adquiramus;
quod sensit apostolus, cum ait: Pax Dei, que superat
omnem sensum, custodiat corda vestra et intelligencias vestras;
intelligencie vestre, que sunt anime rationales, per guerras,
discordias, et lites civiles, que bellis equiparantur, et per
earum prolongationes non custodiuntur, sed frequenter
destruuntur; ideo, prout magis facere potest, debet eas
quilibet vir bonus evitare et fugere; et cum hoc
amplectitur alias non potens jus suum consequi, debet hoc, prout
magis potest, abreviare, in his pacem suam et jus querens
cum cordis dolore; quod sic docuit fieri philosophus, cum
ait: Bellum de se et in se tantum est illicitum et malum,
quod quicunque appetit bellum propter bellum in fine malicie
est; simile est, licet non tantum, malum in civilibus
controversiis et litibus.
28. Sic enim pax universalis finis est, quem
queri-mus, quem in intentione nostra primo habemus, quia
secundum philosophum: Finis operis primum est in
intentione, ultimum vero in operis executione, debemus primo
tollere singula pacis universalis impedimenta ét occasiones
verisimiles impedimentorum, ut accedat quod ait
philosophus: Quicunque sustinet positionem Eracliti, debet
concedere et negare omnia, que concederet et negaret Eraclitus, si
presens esset, hoc est omnia antecedentia et consequentia
ad positionem; alioquin, concedens vel negans aliquid
repugnans prime positioni, ad turpissimam ducetur
redargutionem.
29. Si ergo summus apostolicus, mundi totius
speculum, beati Petri principis apostolorum locum tenens et
sedem, vicarius Domini nostri Ihesu Christi, salvatoris et
patris omnium animarum, ut omnes animas salvet, patrique
suo servet et reddat, omnes guerras, seditiones et contro-
<< prev. page << föreg. sida << >> nästa sida >> next page >>
