28 Vald. Thoresen: temptaret fortasse dictum esse potest ea sententia, ut idem sit quod cum temptare vellet; sed rarior tamen hic usus est. Itaque sic cogitaveram sanari posse traditam scripturam: qui contempta re (ea, quae supra narratur) ef scientia auguratus diæit ei... Ceterum alia se offert ratio, quae nescio an non neglegenda sit; notandum certe est, omnes, qui de cote novacula praecisa tradiderint, Dionysium Halicarnassensem (III 71), Livium (I 36), Valerium Maximum (I 4, 1), Florum (I δ), Lactantium (div. inst. II 7), addere, Tarquinium veteribus equitum centuriis alias adicere cupientem ab Atto Navio esse prohibitum; id regi stomachum movisse. Quod cum unus Cicero omiserit, non nego, fieri posse, ut vitium loci prorsus aliud sit; excidisse possunt post cuius (i. e. regis) cum verba quaedam hoc ipsum continentia. Sin ita se res habet, non iam locus erit coniecturae, quam supra proposui. 1.25,53. Cicero postquam Aristotelem auctorem secutus narravit, Eudemo Cyprio praeter alia praedictum somnianti fuisse, fore, ut quinquennio post domum reverteretur, quinto autem anno exeunte proeliantem eum ad Syracusas cecidisse, sic pergit: ex quo ita illud somnium esse interpretatum, ut, cum animus Eudemi e corpore excesserit, tum domum revertisse videatur. Sensum hunc esse apparet, si traditam scripturam retineamus, ut /omines (coniectores) dicantur ex eo, quod accidisset, ita somnium explicavisse. Sed hoc Aristotelem dicere voluisse, non est verisimile; suam profecto interpretationem proponit vel eam, quam res ipsa eventu probavisset. Accedit, quod, si ita Cicero scripsisset, non utique videatur, sed videretur subiecisset, quod Ernesti reponi iubet; addere debuit excessisset pro eo, quod est excesserit. Non male Rath scriptum fuisse putat interpretandum. Nam quod Gellius (noct. Att. XV 13,1) Ciceronem testatur in primo libro de divinatione interpretata passivo sensu dixisse, non hunc locum respexisse videtur, sed alium, qui infra sequitur I 52, 11s. Nam interpretata dicit, non interpretatum. Verum tamen praetulerim alia mutatione levi ex delere, ut dicatur quo ita illud somnium esse interpretatum, i. e. quem even-