38 Vald. Thoresen: tam, cum nondum audiverimus, quam coactum esset auspicium quove modo expressum. Nonne fame? 1.56, 1. (M. Marcellus) dicebat, si quando rem agere vellet, ne impediretur auspiciis, lectica operta facere iter se solere. Recte Hottinger rem agere eodem sensu hic dictum esse animadvertit, quo vulgo rem gerere (cum enim Marcellus dicat, se iter facere, non utique de urbanis magistratuum negotiis loquitur). Et hoc ipsum fortasse reponendum est; fieri enim potest, ut librarius aliquis, qui gere scriptum vidisset errore pervulgato, a littera adiecta perperam verbum suppleverit mutilum. 114837, 79) et 1 45, 94. Virtutis auspiciis video esse usum Deiotarum, quae vetat (ΒΞ vetant) spectare (codd. eæspectare) fortunam, dum praestetur fides. Obsequendum censeo B’; nam auspicia saepe vetare dicuntur, de virtute paulo durius dictum videtur. Simillimum errorem, nisi fallor, in his verbis (II 43, 94) videmus: ...non intellegunt, seminum vim, quae ad gignendum procreandumque plurimum valeat, funditus tolli ...; nonne scribendum est valeant? II 42, s9. Vim quandam esse aiunt signifero in orbe, qui Graece ζωδιακός dicitur, talem, ut eius orbis una quaeque pars alia alio modo moveat immutetque caelum, perinde ut quaeque stellae in his finitumisque partibus sint quoque tempore eamque vim varie moveri ab iis sideribus, quae vocantur (codd. vocentur) errantia; cum autem in eam ipsam partem orbis venerint, in qua sit ortus eius, qui nascatur, aut in eam, quae coniunctum aliquid habet aut consentiens, ea triangula illi et quadrata nominant. Viderat iam Ernesti, miram apodosin esse ea triangula — nominant; sed, quod caput est, perverse tota res explicatur, ut monuit Meyer interpres Germanus. Docebant enim Chaldaei, ut apud Sextum Empiricum (πρὸς μαϑημ. V 39) et apud Censorinum (de die natali 8) legimus, errantes stellas κατὰ τρίγωνον (tri-