09 C. M. Zander: Anm. af M. Tullii Ciceronis scripta quae manserunt omnia. Rec. C. F. W. Mueller. Partis III. vol. I. continens: epistularum ad familiares quae dicuntur libros XVI, ep. ad Q. fratrem 1]. III, Q. Ciceronis de petitione ad M. fratrem epistulam, eiusdem versus quosdam de signis XII. Lipsiae 1896, Teubner. LXXXVIII - 578 pp. Inter editores epistularum Ciceronis nuper Baiter et Wesenberg, his annis Mendelssohn et Mueller summam laudem sunt conse- centi. et in his quidem epistulis — aliter enim res se habet in altero syntagmate, in quo paullo longius a Baiteri ratione Wesenberg discedit — in his igitur viam quam et direxerat ille et munierat secutus Wesenberg ad emendandas has epistulas multum ipse profecit. nunc vero, aucta copia et instrumento critico, Mendelssohn cum in aliis rebus tum in aestimatione et usu codicum praeclara consecutus est, Mueller et huius inventis usus est et sua ac propria attulit multa. Quoniam igitur ad Wesenbergii editionem editio Muelleri in bibliotheca Teubneriana accessit vel potius ei successit, primum quaeritur quid intersit inter has editiones. quod cum non liceat hic exquirere singillatim, pauca attingam brevissime. multa sunt quae Wesenberg aliive editores vel mutent vel damnent. Mueller integra relinquat. et pluribus quidem locis haud immerito. ep. VII. 1. 4 Baiter et Wesenberg scribunt: /is ego tamen diebus (ludis scaenicis/, Mendelssohn et Mueller /udis scaenicis retinent idque iure. ep. VII. 16. 1 Baiter et Wesenberg recepta Schotti coniectura scribunt: nunc vero in hibernis intectus mihi videris; itaque te commoveri non curas; in libris est iniectus quod in suam sedem restitutam a Mendelssohne retinuit Mueller. utrum sit verum dubium est; sed quoniam aliquid licentiae conceditur sermoni cotidiano, forsitan iam Ciceronis aetate ita dici potuerit ut Apuleius iniectus aliqua re (met. 2. 28; 8. 27), i. 6: amictus. denique quae vel minus eleganter dici visa erant vel minus usitate, ea Baiter et Wesenberg — more multorum veterum criticorum — saepius sustulerunt quam hi editores recentissimi, quod tamen saepius Wesenberg quam Baiter. velut in Ser. Sulpicii ep: IV. 5. 5 subiace traditum est libris MR et in eiusdem ep. IV. 12. 2 familiare (abl. sing.) M (-em GR); ea retinentur a Baitero Mendelssohne Muellero; Wesenberg substituit Cratan- drina subiice, familiari. — Iam vero his editoribus novissimis Muellero et Mendelssohni — quamquam is minus utilitatis quam et licuit et par fuit ex ea re percepit — res fuit in statu eo meliore quod subsidia critica nova nec ea parvi pretii his proximis temporibus accesserant. ut ep. IX. 1. 2 Mueller ex cod. D scribit videor sperare debere . . . ea quae impendeant me facile laturum quod immerito spernens Mendelssohn satis habet ὀβελίζειν corruptum Medicei turum; Baiter autem et Wesenberg ex M”