Annotationes criticae in Truculentum Plauti. Scripsit Christianus Mikkelsen. Prologi initium hoc est: Perpáruam partem póstulat Plautús loci De uóstris magnis átque amoenis moénibus, Athénas quo sine árchitectis cónferat. Quid núnc? daturin éstis an non? — Ádnuont. Melior me quidem uobis me ábiaturum síne mora. Quid sí de uostro quippiam orem? — Ábnuont. Eu hércle in uobis résident mores prístini, Ad dénegandum ut céleri lingua utámini. Spengelius u. 5 sic refingere conatur: Credo équidem uobis me áblaturum síne mora. Assentitur Ussingius, nisi quod a uobis scribendum esse censet. Leo edidit: ° Scio rém quidem urbis me áblaturum síne mora. Errarunt hi omnes meo quidem iudicio, quod coniecturam editionis principis ablaturum retinuerunt; neque enim auferre ` pro accipiendo dici potest, nisi qui accipit simul abit. Quare dubitari uix potest, quin ad/aturum recte coniecerit Saracenus, -receperit Schoellius. Quod autem hic initio uersus scripsit Meo ore aio equidem, eiecto uobis uocabulo minime suspecto, uix Latinum, certe non Plautinum est. Ne id quidem, quod coniecit Geppertus, Minor equidem probari potest, quoniam minari non simpliciter pro pollicendo dicitur. Seripsit fortasse Plautus: Aio équidem uobis me ádlaturum síne mora. - Nord. tidsskr. f. filol. 8416 række, V. d