Annotationes criticae in Truculentum Plauti. 07 3, 26; conferre etiam potuit Propert. IV, 2, 27: «Arma tuli quondam et, memini, laudabar in illis» et Ouid. Metam. V, 585: «Lassa reuertebar, memini, Stymphalide silua». Ad uersum supplendum eż¢iam ante fuit suppleuit; sed quid id sibi uelit, non intellego. Fortasse memini uitiatum est ex ?nel meum, cfr. 523, ubi mel meum in libris in me imme inmeum et similia mutatum est. Aliquanto post Phronesium haec Diniarcho (uu. 402 sq.): Quid múlta uerba fáciam? Tonstricém Suram Nouísti nostram, quem erga aedem sese habet. Buggius quae mercede sese alit coniecit. Sed uix opus est a scriptura tradita tantum discedere, neque enim dubito, quin dici potuerit quae mercedem a sese habet, id est, quae mercedem sua opera accipit. Phronesium his uerbis Diniarchum certiorem facit, se sollemne puerperarum sacrum facere uelle (uu. 420 sq.): Quin his hódie sacruficáre pro pueró uolo, Quintó die quod fíeri oportet. Sine dubio Spengelius recte suspicatus est, uocabulum Quin ex initio proximi uersus praeceptum esse. Sed quod pro his coniecturam editionis principis dis recepit, non assentior, quoniam non omnibus dis, sed Lucinae soli sacrificare uelle Phronesium ex u. 471 apparet: Date mihi huc stactam atque ignem in aram ut uenerem Lucinam meam. Scriptum fuisse uidetur Πές, id est in ara, quae ante aedes est, insp. u. 471 supra laudatus et cfr. Ussing. ad Aulul. 598. Stratophanes miles adueniens haec loquitur (uu. 479 sqq.): Scío ego multos mémorauisse mílites mendácium: Et Homeronida ét posí illam illi memorarí potis, Qui ét conuicti et cóndemnati fálsis de pugnís sient. Saracenus postilla emendauit; Camerarius mille coniecit, Spengelius multi, quod equidem praefero coll. Asin. 553: memorari mulia possunt.