110 Christianus Mikkelsen: Sequuntur hi uersus (530 sqq.): Stratophanes. Hóc quidem hercle ingrátumst donum. Cédo tu mi istam [puere] pérulam. Méa uoluptas, ádtuli eccam pállulam ex Phrygiá tibi; Téne tibi. : Phronesium. Hocine mi ób labores tántos tantillúm dari. Stratophanes. Périi hercle ego misér: iam mi auro cóntra constat fílius. Etiamnum mali pendit, addit purpuram exarati tibi Attuli tua sponte amoenas; téne tibi, uoluptás mea. Uersus 534 sq. miserrime corruptos ut emendarent, uiri docti studio non pepercerunt; sed conatus eorum commemorare ideo omitto, quod meo iudicio omnes a uero longe aberrarunt. In editione principe mali iam recte in ziii mutatum est. Initium uersus prioris hoce igitur fuit: Ætiamnum nihili pendit. Addit purpuram. Haec autem ut Stratophanes dicat, fieri non potest, sed duo additamenta esse apparet. Prioris ad u. 532 adscripti sententia haec est: Etiam nunc Phronesium dona militis nihili pendit; posterioris haec: Miles purpuram addit. Hine sequitur, ut Stratophanes Phronesio non modo pallam, sed etiam purpuram det (cfr. u. 936: Aft ego pallam et purpuram), atque ut hoc donum in iis quae sequuntur commemoratum fuerit. Haec, emendatione egregia Scaligeri ex Sarra recepta, 516 scripta fuisse censeo: Éx Sarra tibi áttuli amoena; téne tibi, uoluptás mea. Uocabula tua sponte (B) uel tuas ponto (C et D) Plauti non sunt; fortasse ad posterius additamentum pertinent, ita ut initio scriptum fuerit: Addi purpuram sua sponte. Cuamus seruus Diniarchi cum aliis seruis, ea quae Diniarchus Phronesio dono mittit portantibus, aduenit et secum de domino bonis se euertente haec loquitur (uu. 549 sqq):