g9 Joh. Forchhammer: Anm. af Caesar, rec. Kübler. C. Julii Caesaris commentarii cum A. Hirtii aliorumque supplementis ex recensione B. Kübleri'. Vol. III. pars prior: commentarius de bello Alexandrino, rec. B. Kübler; commentarius de bello Africo, rec. κα. Wölfflin. Lipsiae 1896, Teubner. Ed. maior: ΧΙΙΝ- 104 pp.; ed. minor: 104 pp. Quomodo factum sit, ut quum Auber superiores commentarios recensuisset, Wölfflin bellum Africum recensuerit, ipse in praefatione sic explicat: «Quum ante hos quattuor annos Teubnero scriberem de Caesaris commentariis denuo edendis, bellum Africum mihi reseryavi, non ut novis conjecturis libellum emendarem, sed ut, quae in editione mea (Lips. 1889) minus recte administraveram, et usu edoctus et novis subsidiis instructus ipse corrigerem.» Editio illa, quam curaverunt Wölfflin et Miodónski (C. Asinii Polionis de bello Africo commentarius. Lips. 1889), qualis esset, dissertatione Danice scripta, ostendi”. — Jam anno 1893 in archivo suo” in recensendis dissertationibus Æ. Mölkenii (In commentarium de bello Africano quaestiones criticae. Argent. 1892) et Wern. Mülleri (De Caesaris quod fertur belli Africi recensione. Rostochii 1893) vir clarissimus plurima, quae in editione illa me aliosque offenderant, recantaverat: «Die Autorschaft des Asinius Polio [halte ich] nicht mehr für bewiesen» (!) — in editione nova nomen Asinii evanuit —; «wenn man das Buch aber einem geringeren Stilisten zuweist, so darf der Kritiker auch nicht mehr die Sprache glätten» ([) — in editione nova inter- polationes illae prope trecentae uncis inclusae non jam invenientur. Cap. 22, 2 paene, pro quo verbo conjectura futilissima (cfr. diss. Dan. p. 104) plane positum erat, restitutum est. Cap. 40, 5; 50, 3 postquam — quum, cap. 4, 3 simulatque — quum (diss. Dan. p. 106) codices secutus in editione nova servavit. Codicem Leidensem (diss. Dan. p. 107), quo auctore in priore editione multa omiserat aut immutaverat, interpolatum nulliusque pretii esse confitetur. Ex editione priore nihil fere boni relinquitur, nisi commentarius, quo vir ille antiqui sermonis peritissimus librum instruxit. De nova editione ipsum audiamus: «Ecce habes, lector benevole, commentarium secundum optimos codices editum.» Progressum vel dicam regressum agnoscamus. Kal. Oct. a. MDCCCXCVII. Joh. Forchhammer. ' Cnf. huius ephem. vol. III p. 57. 2 Caesar, Hirtius og Pollio. Historisk-kritisk Undersøgelse. In huius ephem. vol. IV p. 104 srq. 3 Archiv für lat. Lexicogr. u. Gramm. Vol. VIII p. 304; 607.