De arte critica in Vitruvii libris adhibenda. 53 scapis (hæc vox necessario addenda est) deinde columnarum non ad libellam sed ad aequalem modulum conlocatis, ut quae adiectio in stylobatis facta fuerit, in superioribus membris respondeat symmetria epistyliorum. Epistyliorum ratio sic est habenda». Rosius «Symmetria epistyliorum» pro rubrica habet. Immo sola vox bis scripta «epistyliorum» delenda est; «quae adiectio i. s. facta fuerit, i. s. m. respondeat symmetria» oratio est leviter anacoluthos (quasi «si quae adiectio») ut alia apud Vitruvium, v. 20, 6: «quibus (locis) insidentes sunt paludes, ...stando putescunt»; 21, 17: «in quibus anguli procurrunt, difficiliter defenditur»; 144, 20: «quaecunque (cubicula) ad meridiem spectant, a tineis et umore libri vitiantur». — Pag. 117, 22: «gradus spectaculorum, ubi subsellia componantur, gradus ne minus alti sint palmipede.» Ros. suspicatur «gradus spectaculorum» rubricam esse; immo sola vox gradus delenda est, utpote ex initio proximi versus male prærepta, qua de re iam videbimus. Sed ante quam hunc locum relinquimus, alius Rosii error corrigendus est; nam quum in cdd. sit «palmo pede», omissis extremis edidit «palmo», quasi subsellia quattuor digitos alta ferri possint; immo sedecim voluit Vitruvius, «palmo pede» enim in his codd. constanter pro «palmipede» scribitur. Aliud vero additamentorum genus in Vitruvii codicibus satis frequenter occurrit, illud dico quod in Aristotelis de arte poetica libro sæpius deprehendi olim ostendi (in Opuseculis ad Madvigium 1876 p. 224 sqq., quam dissertationem nuper Gomperzius Wiener Sitzungsberichte XXXIX p. 19 honorifice commemoravit), ut scriba in versus initio aberrante oculo ea præriperet, quæ non proximo, sed tertio aut quarto aut alio versu scripta erant, errore autem animadverso ad rectum ordinem rediret, quo factum est ut eadem verba bis ponerentur, prius pravo, deinde suo loco, interdum etiam priore loco recte, posteriore perperam. Neque hoc Vitruvii editores fugit. Verba ista ratione male repetita Rosiana editio his locis exterminavit. Pag. 69 v. 2 «quemadmodum ... exemplar» ex v. 9 s. prærepta. 70, 19: «patentibus rare» ex 15 repetita. 74, 12: «septem ...columnae» ex 14. 90,27: «distributio» ex 28. 93, 17: «babens ...perpendiculum» ex 92, 20 sqq. 100,8: «ponantur ut» ex 6, sed etiam antecedens