De arte critica in Vitruvii libris adhibenda. 57 ea virgo viva poculis delectabatur». Vitruvium pocula vascula dixisse, quibus puella ludicris usa erat, nec affirmare nec negare audeo; sed quod Rosius substituit «proclivius», Latine sic dici potuisse demonstrare debuit. — 122, 3: «Athenis porticus Eumenici (i. e. Eumenia, non Eumeniae) Patrisque Liberi fanum». Ros. cum Marinio addidit «ad theatrum» sine ulla causa. — 128, 1—5: «porticus tres, una ex peristylio exeuntibus, duae dextra atque sinistra stadiatae, ex quibus una quae spectaverit ad septentrionem, perficiatur duplex amplissima latitudine, altera simplex ita facta, uti in partibus quae fuerint circa parietes et quæ erit ad columnas, margines habeant uti semitas». Hic quoniam «quae erit» legitur, apparet etiam scribendum esse «quæ fuerit», significantur enim altera pars circa parietes, altera ad columnas. «habeant» verum esset, si scriberetur «ex partibus», sed si retinetur «in», subiectum est «altera», ut necesse sit /abeat scribatur; his duobus mutatis omnia sana erunt. HRosius «habeant» et «fuerint» retinuit, sed pro «erit» «erunt» scribit, et præterea «alterae simplices ita factae», nec tamen tam multis mutatis aliud efficit, quam ut statuere cogamur, palæstræ peristylium stadiatum esse, quod nec dixit Vitruvius, nec veri simile est. — 169, 10 «itaque» iniuria in «itemque» mutatum est. — 189, 11 «oriuntur» verum est; Ros. male «oriundos». — 194, 9 «ea denique aqua» sanum est; Ros. «ea de aqua». Eadem vox denique iniuria eliminatur 129, 22: «denique compleatur structura» et 284, 16: «denique totam machinam . . . dissipaverant». Rosius utroque loco «doneque» scripsit pro «donec» Lachmannum secutus (Lucret. V, 708), iniuria; nam quia in codd. 79, 9 «denique» et 222, 6 «denique cum» scribitur pro «donec» aut «donicum» (Lucretiana forma «doneque» apud Vitruvium parum probabilis est), inde non sequitur ubique eodem modo erratum 6556. — 195, 5: «infinita dulcedine»; sic loqui solet Vitruvius; Ros. «intincta de» male. Extremo loco varias afferam emendationes futuro editori commendandas. 4, 15: «declarata»; Ros. «desacrata»; rectius Praun |. 1. p. 99: «dedicata». — ὃ, 14: «denuo»; scrib. «denique». — 19, 23 sq.: «mare tempestatibus aucto in paludes redundantia motionibus concitata marique mixtionibus non patitur bestiarum palustrium genera ibi nasci». Ros.: