De arte critica in Vitruvii libris adhibenda. 59 et semper inferiores sint conlocatae quam simulacra quae fuerint in aede, uti suspicientes divinitatem qui supplicant et sacrificant disparibus altitudinibus ad sui cuiusque dei decorem componantur». Quid hoc est? num homines «ad decorem dei componi» possunt? Immo verbi «componantur» subiectum est arae in principio sententiæ positum. Aut «Suspiciant» scribendum, aut excidit verbum quale «venerentur»; post «sacrificant» autem maior interpunctio ponenda est. — 160, 8: «Fuficius enim mirum de his rebus inprimus instituit edere volumen.» Ros. olim: «F. nimirum d. h. r. primus»; in editione: «F, enim mirum d. h. r, ni primus»; cui illud procul dubio præferendum est. — 178, 15 pro «tectis» Iocundus recte «tectoriis» scripsit; frustra obloquitur Schneid. — 182, 19: <«tectores cum volunt sil Atticum imi- tari.» Immo «pictores» ut est in Epitoma 308, 21. --- 194, 15: «aquae species est, quae cum habeat non satis perlucidas, ex ipsa uti flos natat in summo.» Scrib. <«perluciditatis», cf. 49, 19. — 211, 6: <«sepiaturas structura nec obturentur uenas», ubi ne et venae ab omnibus receptum est. In principio Ros. «sepiatur os structura»; verum invenisse videtur Detlefs. Philol. XXXI, 402: «8558] structura», i. e. siccis lapidibus. — 215, 19 et 216, 19 pro «reprehendere» requiritur «deprehendere». — 216, 24: «cum in ceteris inventionibus fuerint grati, in eius rei cogitationibus maxime sunt suspecti.» Pro «in eius» scribendum «unius». — 264, 4: «quantum diuturni itineris miliariorum numero cum raedae possit exire.» Edd. «diurni» et <«exiri», recte, sed præterea «cum reda». Verius Praun |. 1. p. 102: «cursu redae». — 275, 15: «<de marinis machinationibus quae per navium aditus habere posse scripsit etc.» Rosius «haberi» scripsit ceteris relictis, quod non intelligo; Schneid. Iocundum secutus: «quas per navim», probabiliter; nam Athenæus, quem Vitr. vertit, habet: ὑπὲρ τῶν κατὰ ϑάλασσαν δὲ αὐτῷ προσαγομένων, ubi pro corruptis δὲ αὐτῷ scribendum διὰ νεῶν.