Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
aler parler aux gens des trois Estas, il sen ala a la cité de
Maliferne ou il auoit fait son mandement et sa semonse.
Et ja estoit près du terme de sa semonse, et la venoit tant
de gens des Vices et des trois Estas que cestoit vne grant
mer-ueille ; et estoit ja la cité si plaine de gens que nul ne si pouoit
logier, ains se logoient tout entour la ville par dehors. Vn jour
aduint que le roy des Vices estoit appuie a vne fenestre et
regardoit les gens qui lui venoient de toutes pars. Si vint a lui
Fausse-Amour et lui dist ainsi: „Sire, cest merueille des gens
qui vous viennent, et me semble que le roy Modus noseroit a
vous combatre, et croy quil seroit bon que vous meissiez peine
de sauoir (fol. 170 r°, a) de son estât par aucune bonne
espie." Et ce disoit il pour veoir la royne Racio. Adonc
dist le roy quil disoit bien, mais qui pourroit ce faire.
„Vrayement, dist Fausse-Amour, sil vous plaist, ce feray je
bien, et vous en apporteray certaines nouuelles, et scay bien
la maniéré comment a ce saccorda le Roy. Adonques fist
tant Fausse-Amour quil ot tout labit dun pelerin, et se parti
de Maliferne si comme il fu anuitié, et cheuaucha, que de
nuit que de jour, tant quil vint au vilois ou dame Gloire,
Jeunesse & Oultrage auoient esté logiez, quant ilz alerent
jouster aux trois cheualiers a la Royne Racio. Et illec
prist Fausse-Amour son habit de pelerin, sa housse, son
escharpe et son bourdon, et sen ala [a la] cité dEsperance.
Et quant il fu en la ville, il se heberga et demanda a la
dame de lostel se le roy Modus estoit en celle ville.
„Vrayement, dist son hostesse, il (b) a bien trois jours quil se party
de ceste ville, et croy quil ny revendra mais en piece, car
il est alé en la guerre contre je ne scay quel seigneur qui
la fait deffier.“ Et il estoit alez en la cité de Bonne-Foy en
laquele il auoit faitte sa semonse, et la avoit trouué
lar-ceuesque de la ville qui estoit reuenu du saint pere, ou le
roy Modus lauoit enuoié, lequel lui conta tout ce quil auoit
fait et trouué.
Fausse-Amour.
Quant Faulse-Amour ot oy parler son hostesse si fu
moult lie de ce que le roy Modus estoit hors de la ville, & dist
<< prev. page << föreg. sida << >> nästa sida >> next page >>
