Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
dubitari non potest, quin hoc verbum non fuerit in cod.
archetypo. Sed quoniam plura exciderunt, non tanti est
quaerere, possitne hoc. loco verbum, quale est requiro,
abesse. Muellerus cod. B secutus in editione Teubneriana
verbum a Baitero ejectum recepit.
III § 83. „In eo etiam cavillatus est (Dionysius), aestate
grave esse aureum amiculum, hieme frigidum, eique laneum
pallium injecit, cum id esse ad omne anni tempus,
diceret." Ita, ut in codd. ABCPV1 est, jam Victorius edidit,
neque dubitat Davisius, „quin locutio sit Latinissima".
Dubitasse tamen recentiores editores videntur. Baiterus „ad
omne anni tempus aptum diceret" nulla codicum auctoritate
edidit, eumque secutus est Muellerus, quamquam in
annotatione critica aptum fortasse recte omitti dicit. Cod. B
hic meliores sequitur, in cod. V (vix eadem manu)
supra-scriptum est aptum ante ad, in cod. E est apte ante diceret.
Quodsi Baiterus auctoritate Valerii Maximi et Lactantii
commotus verbum illud, quod non est in prima editione
Orelliana, addidit, deceptus est; nam Valerius (I. 1. 3.)
laneum ad utrumque tempus anni aptius, Lactantius (Inst.
div. II. 4.) utrique tempori aptum scripsit; neuter igitur ipsa
Ciceronis verba attulit, usitatiusque dictum pro minus
usitato, fortasse jam Valerii temporibus obsoleto, posuerunt.
Locus noster notandus est, non corrigendus, cfr. Caes. de
bello civ. III. 101, 2: „(naves exornantur) reliquis rebus, quae
sunt ad incendia"; Cato de re rustica 125: „Vinum murteum
est ad alvum crudum"; Celsus de medicina V. 18. 6: „Ad
laterum dolores compositio est Apollophanis"; V. 18. 7: „Ad
idem Andreae quoque malagma est", atque ita saepius.
Paullo aliter Terentius Andriae III. 2. 2: „quae oportet signa
esse ad salutem, omnia huic esse video" (addito substantivo)
et Heaut. I. 2. 33: „haec sunt ad virtutem omnia". Cic. de
fin. I § 30: „quid aut ad naturam aut contra sit" vix
huc pertinet.
Interdum ipsa menda codicum cognationem eorum
aperte ostendunt, velut III § 64, ubi codd. ACPV
monstrum illud „dicaliusuignais" ex antiquiore codice religiose
servaverunt, quum codd. B et K verba et sensum quendam
<< prev. page << föreg. sida << >> nästa sida >> next page >>
