Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
jam saepius dixi. Locus nostro similis est de divin. I § 87:
„Dixi de Pythagora, de Democrito, de Socrate; — adjunxi
veterem Academiam, Peripateticos, Stoicos: unus dissentit
Epicurus. Quid vero? Hoc (τοίτο, quod dixi, Epicurum
divinationem non agnoscere) turpius, quam quod idem nullam
censet gratuitam es&e virtutem?" Sic recte distinxit Orellius,
neque necessaria est conjectura Davisii: „Qui vero hoc
turpius quam quod“, quamquam sensum rectum efficit1). Quod
vero Jeepius (Neue Jahrbiicher 1860 p. 615. 10), quem
recentiores editores Baiterus1 (Baiterus2 Davisium sequitur)
et Muellerus secuti sunt, „quid vero hoc turpius, quam quod
idem nullam censet gratuitam esse virtutem ?“ legendum esse
defendit, tamquam epexegetice addatur sententia secundaria,
vehementer errat. Quum enim hunc usum ita finiret, ut
diceret, sententiam epexegeticam 1) et demonstrativo et
relativo pronomini adjungi, 2) non nisi negative (in iisque
interrogationibus, in quibus negativus sensus inesset) poni,
3) per quam quod aut quam addito infinitivo annecti,
quartum addere vel potius primo loco ponere debebat, per
epexegesin nihil adjungi posse, nisi quod artissime cum
praecedentibus congrueret. Velut Cic. de fin. I § 19: „Ait
enim declinare atomum sine causa, quo nihil turpius physico,
quam fieri quicquam sine causa dicere“. Duae sunt
sententiae: „Ait enim declinare atomum sine causa, quo nihil
turpius physico" et „nihil autem turpius physico, quam fieri
quicquam sine causa dicere11. Hae duae sententiae in unam
conflatae sunt, sed apparet non quaslibet sententias ita
posse conflari, sed necesse esse, ut verborum, ita
sententiarum esse conexum. Quod in altera sententia jam
dictum est, altera accuratius explicatur. Neque solum ubi
relativo pronomini adjungitur explicatio (de nat. deor. I
§ 38 „quo quid absurdius, quam", et de oratore II § 302
„quo quidem mihi turpius videri nihil solet, quam cum“2),
sed etiam ubi demonstrativum praecedit, eadem, ratio valet.
’) Recte tamen II § 5 „Qui enim est hoc illo evidentius11 contra
codices editur, cfr. Madv. Opusc. II p. 265.
2) Pro cum Jeepius quod ex cod. B substituendum putat.
<< prev. page << föreg. sida << >> nästa sida >> next page >>
