Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
De interpolationibus Propertianis,
scripsit Theodorus Korsch.’)
Quicumque Properti carmina diligentius perlegerunt, nedum
critices factitandae causa tractarint, inter eos satis constat
nonnullos eorum locos vitia minus manifesta inde traxisse,
quod librarii, si quas exemplaris scripturas non intellexissent,
alia vocabula latina illa quidem et interdum loci sententiae
quadam tenus accommodata, sed a poetae manu aliena
substituere non dubitavissent.2) De boc igitur corruptelae
genere nunc ita acturus sum, ut et quosdam locos, qui
adhuc pro sanis habiti sunt, non integros esse demonstrem et,
quae ad alios, quos corruptos esse vel pridem vel nuper
perspectum est, quantum fieri potest emendandos ipse excogitavi,
in medium proferam.
Ac primum, ut carminum ordinem sequar, 1 5 11, qui sic
traditus est:
Non tibi iam somnos, non illa relinquet ocellos,
depravatum ad nos pervenisse suspicor. Nam quominus
haec in eam sententiam, quae in I 9 27 iuest, detorqueamus,
quasi poeta dixerit, Gallum praesente saltem puella
oculorum libero usu privatum iri, ut praeter illam nihil videant,
impediri videmur illo „somnos", quod cum relinquendi verbo
certe aliter coniungitur; neque enim somnos non relinquere
quicquam aliud sibi volt nisi somnum adimere. Quae cum ita
’) Haec iam scripta erant, cum Baehrensiana Properti recensio in
manus meas pervenit. In qua cum nihil sane invenissem, cur ea,
quae de hoc poeta disputassem, gravius mutanda esse viderentur,
satis habui in adnotationibus Baehrensi scripturas commemorasse.
’) Accedunt aliae verborum mutationes graviores, quae non a scribis,
sed a correctore, qualis ille Vettius Agorius Basilius Mavortius fuit,
qui se Horati carmina, ut potuisset, emendasse praedicat, satis
antiquo tempore factae esse videntur. Nam exstitisse olim
quen-dam, qui Properti carmina recenseret, III 17 (II 23) declaratur,
cuius extremum versum e praecedenti confictum esse post Fischerum
omnes agnoscunt.
Nord. tidskr. for filol. Ny række. V.
<< prev. page << föreg. sida << >> nästa sida >> next page >>
