Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Sed. veram interpolationem deprehendisse videor in
I 15 29:
Multa prius vasto labentur flumina ponto,
Annus et inversas duxerit ante vices,
Quam tua sub nostro mutetur pectore cura.
Hic Muretus coniecerat Muta, quod multis placuit; at iure
Paleius pleraque magna flumina sine strepitu cum mari
misceri observavit. Passeratii Nulla aptam illam quidem
facit sententiam et apud poetas tritam, ut Anthologiae
Riesianae 440 3: Ante nives calidos dimittent
fontibus amnes Et Rhodanus nullas in mare ducet
aquas vel, quod magis usitatum est, sicut Verg. Aen. I 607
dixit: In freta dum fluvii current, Ovid. Am. I 15 10:
Dum rapidas Simois in mare volvet aquas, alii aliter,
unde Petrarca Vita Sext. 3: Mentre ch’al mar
discen-deranno i fiumi. Sed Propertius, cum fluminum
similitudine eiusdem rei causa, ut aliquid fieri non posse
significaret, alibi bis usus sit, utroque loco sententiam ita
conformavit, ut flumina non in mare non delapsura, sed a
mari ad fontes reversura esse diceret, III 7 (II 15) 33:
Fluminaque ad caput incipient revocare liquores
et IV 18 (19) 6: Fluminaque ad fontis sint reditura
caput. Idemque in eo, de quo agitur, loco proximi versus
sententia requiri videtur. Eodem redeunt omnes imitationes
Ovidianae, quas v. Trist. 18 1, ex P. IV 5 43, 6 45, Her.
5 30, Met. XIII 324. In dativis quoque vasto ponto
haerere me fateor: nam etsi dativum loci a Properti
consuetudine non abhorrere III 31 (II 33) 41 declarat, tamen
poetam eo ita uti voluisse, ut cum ablativo facile confundi
posset, non crediderim. Si quis autem quaerit, quidnam a
Propertio scriptum esse putem, Ovidi Trist. 18 1 In
caput alta suum labentur ab aequore retro
Flumina haud dubia est huius loci imitatio. Hanc si in usum
convertere licet, quidni Propertium in versus initio tale quid
posuisse fingamus: Ad caput alta prius? Ex quibus
postquam caput versus usque ad ut syllabam aliqua
fortunae iniquitate periisset, quin id, quod traditum est, epi-
17*
<< prev. page << föreg. sida << >> nästa sida >> next page >>
