Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
A c decolor pro discolor iam pridem editur, de ceteris
autem huius versus partibus inter viros doctos nondum
convenit. Nam cum alii illud Eoa aqua ita interpretentur,
ut sit idem quod ad Eoam aquam, alii id fieri posse
negent, L. Muellerus in Gruteri invento Eoo equo acquievit.
At neque duo elegiaci deinceps positi eodem si non
vocabulo, at certe nomine a Propertio temere clauduntur, et
Qua-driiugis et Phoebus equis et Delia bigis, ut Manilius
ait V 3, a poetis fingi solent, vel Lunae biga datur
semper Solique quadriga, ut quidam Anthol. Riesianae
197 17. Quid quod Solis equorum ipsa nomina comperimus?
Scholiastes quidem Germanici Prognosticorum Erythraeum,
Aetliona, Lampron, Philogaeum eos vocari tradidit. Etiam
Aurorae bigae tribui solent, velut Yerg. Aen. VII 26,
quamquam idem alibi, si Aen. V 104 sq. nonam que serena
Auroram Phaethontis equi iam luce vehebant recte
interpretor, quadrigis eam instruxit; nam Ovidius, cum dicit
Am. I 13 30: aut spissa nube retentus equus, alterum
eius equum significat. Noctem bigis vehentem facit Vergilius
Aen. V 721, quadrigis Lygdamus 4 17. Signa quoque
caelestia, nisi quid me fallit, binis equis utentia inducuntur:
nam singuli singularum stellarum sunt, ut Luciferi; sicubi
autem signa singulis equis vehi legimus, ut Ovid. Fast.
V 8, genetivus casus equi invenitur, ut singularis numerus
pro collectivo metro postulante positus esse videatur. Hic
vero ut equus singulariter dici possit, ne illam quidem
metri necessitatem licet praetendere. Sed tamen usti et
decoloris vocabula ita coniuncta vehementer displicent,
praesertim cum et particula, quamquam inter utrumque
legitur, mente ad versus principium traicienda sit. Quare
ne Munronianum quidem Eoae aquae (Journal of Philol.
11 p. 65) probandum est. Mihi autem succurrit versum ita
emendari posse, ut solum usti vocabulum paullum immutetur,
scilicet si eum locum, litus ut longe, ut ait Catullus 11 3,
resonante Eoa tunditur unda, a Propertio aestus
Indi nomine designari potuisse concesserimus. Nec
perturbor versiculis, quibus Ovidius illum Propertianum imitatus
est, Trist. V 3 24 Et quascumque bibit decolor Indus
<< prev. page << föreg. sida << >> nästa sida >> next page >>
