Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Videmus itaque, ut ipsam philosophiam sive
cogita-tionem philosopham ex universa hominum vita, sic
philosophiae expositionem e poësi, quod proprie vitae spéculum est,
sensini emergere, ut scientia denique libéra et in se reflexa
ac rétracta etiam suam sibique parem doctrinae formam
nanciscatur. Utraque ratione Platonem, ut jam diximus,
quasi in transitu positum, et in eo philosophiam nascentem,
non jam factam et paratam, conspicimus.
Et quum nuper fuerit, qui professoribus philosophiae e
cathedra docentibus „humanitatis philosophos“ opponeret
(Schopenhauerum dico), Plato utique verus humanitatis
philosophus dicendus est. Quamquam hujus laudis magna
pars ad illam aetatem pertinet, quum a nostrorum
temporum pbilosophis jure diversa et philosophandi et docendi
ratio requiratur. Negari tamen nequit, illud Platonis
cogi-tandi dicendique genus, quo omnia velut recens nata
juvenili quadam viriditate et integritate nitent, miro
pulchritu-dinis sensu animos legentium perfundere. Et quum
pul-chritudinem proprie poesis, philosophia autem veritatem
spectet, redit illud, quod jam de Platouicae philosophiae
cum poesi conjunctioue animadvertimus, ut dicere possimus,
apud eum verum adhuc quadam tenus pulchro involutum
videri et ab hoc involucro modo sensim solvi ac liberari;
in quo profecto illius philosophiae quum virtutem, tum etiam
defectum atque imperfectionem cernere licet. Nam ipsa res
fert, ut philosophia majorem maturitatem nacta illud poesis
velamen prorsus exuat, ut veritas ipsa sola per se pateat
omnibusque pulchritudiuis quasi lenociniis facile careat.
Quam rei progressionem atque explicationem ab ipso
Platone adumbratam videmus. Nam in Symposio, quod omnino
totius Platonicae rationis luculentissimum exemplum est, de
amore ita agitur, ut excussis et explosis vulgaribus amoris
generibus diversisque de eo opinionibus, postremum ad eum
verissimum amorem perveniatur, qui in pulcbri verique
studio cernitur nec nisi aliud nomen est philosophiae sive
amoris sapientiae. Hic autem ipse amor per plures gradus
demum ad summum ideae fastigium ascendere ostenditur.
Primum enim pulchris corponbus detinetur; inde pulchros
<< prev. page << föreg. sida << >> nästa sida >> next page >>
