Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Mindre Meddelelse.
Notae criticae in OiiiiHi Fast. III, 523—710.
Scholis per semestre autumnale anni 1885 in nostra
uniuer-sitate habitis inter alia Ouidii carmina hunc quoque Fastorum
locum plane egregium auditoribus enarraui. Subnatas mihi hac
occasione eoniecturas quasdam ad textum uerborum emendandum,
ut opinor, pertinentes hic quam breuissime potero publicabo.
V. 541: occurri nuper, uisa est mihi digna relatu
pompa : senem potum pota trahebat anus.
Ad illa occurri nuper ex superioribus intellegendum erat:
redeuntibus; sed bis uniuersis se occurrisse non erat cur poëta
narraret; immo hoc unum ad superius dicta exemplo illustranda
narrare et uoluit et debuit, singulari se illi pompae, quam mox
describit (uel illam sibi), occurrisse. Itaque sic scribendum esse
uidetur :
occurrit nuper (uisa est mihi digna relatu)
pompa: senem potum pota trahebat anus.
Et orationem quoque hoc modo melius cohaerere quiuis,
opinor, concedet.
V. 593 : uincitur ars uento, nec iam moderator habenis
utitur, aut uotis is quoque poscit opem.
Sic codex optimus R(eginensis), nec uerba is quoque ullo
modo mutanda esse ostendet comparatio loci, qui est Trist. I,
11, 21 sq. Gubernator quoque, non artis tantum ignari uectores
ad uota confugiunt. Sed aut corruptum est, nec in eo latere
uidetur at, quod minime poeticum hoc loco est, nec praepositio
a, quam sermonis lex respuit ; interlectionem a! reponendam
esse credo.
V. 599: ducitur ad Laurens ingenti flamine litus
puppis et expositis omnibus hausta perit.
Verbum ducitur iuxta illa ingenti flumine positum nimis languere
apparet; figitur, quod ex codd. dett. multi scripserunt, omni
bona auctoritate caret nec per se bonum est. siue sententiam
siue constructionem spectes. Sine dubio truditur uerum est;
cfr. Lucret. I, 292; VI, 1031.
V. 609: quo fugiat? quid agat? quos têi’rae quaerat hiatus?
<< prev. page << föreg. sida << >> nästa sida >> next page >>
