Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
gendum sufficiens pateret1), quod si eiusmodi locus postea
alio modo — ut in margine vel supra versum correctione
facta — emendatus est, lacuna relicta inde potuit in codices
recentiores ita migrare, ut neque quidquam omitteretur et
lacuna tamen relinqueretur. Non paucis autem locis lacunae
exstant, ubi iusta lacunae relinquendae causa nondum possit
cerni ulla. In lacunarum vicinia saepe inveniuntur vel ipsius
codicis lacunosi vel aliorum codicum additamenta, omissiones,
transpositiones, aliae textus varietates, quae res interdum
ita contextae sunt inter se atque confusae, ut dici non
possit, utrum varietates illae lacunam pepererint an illas lacuna2).
Nonnullae lacunae ob vicinum exitum initiumve versus,
columnae, paginae positae esse possunt, ut Vulg. V c. 12.
Variis scribendi notasque componendi casibus tribui debent
fortasse quaedam lacunae, ut Vulg. LIV c. I3).
Lacunarum aetas definitur quodam modo codicum
ipsorum aetate, ita tamen, ut quae in codicibus cognatis
exstent, qui sui iuris sint omnes, eas ex horum codicum
archetypo repetendas esse appareat. Eiusmodi eae lacunae
sunt, quae ad consensum codicum JrE4), γΕλ (p. vet.) Lau-
*) Cfr quae ad Vulg. XXXVI c. 10, LII c. 8 adnotavi.
2) Quamquam non omnes eiusmodi varietates lacunis vicinis conexas
esse probabile est, tamen semper videndum erit, ne eiusmodi ratio
neglegatur.
3) Lacunas delendas esse ita significare vidi librarios, ut spatium
lacunosum expleatur lineis vel punctis quibusdam; cfr Vulg. III c
3, V c. 39, IX,XX c- 2. Vulg. XIV (adu. 3), XXVI c. 9, XXX11I
c. 47, XXXVI c. 25. Apparet igitur non bene a plurimis
scriptorum editoribus atque collatoribus lacunarum omnium spatium
ita indicari, ut quot litteras capere videatur quaeque lacuna, tot
puncta ponantur in loco lacunoso.
4) Cfr quae de horum codicum cognatione adnotavi de codice i" agens
supra. Difficile est de hac re iudicium facere, cum nondum satis
accurate collatus sit codex E. Si e Vulg. II solo liceret iudicare,
in quo libello accuratiorem cudicis E collationem paravit
Sommer-brodt, quam ea est quae apud superiores editores exstat —
quamquam ne Sommerbrodtii quidem collationem pleram esse e plena
codicum ΓΩ al. collatione a me facta apparet — gemelli quidam
dici debebant.
Nord. tidskr. f. filol. Ny række. IX. 20
<< prev. page << föreg. sida << >> nästa sida >> next page >>
