Full resolution (JPEG) - On this page / på denna sida - Icelandic Reader
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Hákonar konúngs, at samþykkja við yðr, bœndr, ok láta aldri
skilja yðra vinátto. Bœndr segja at þeir vilja, at konúngr
blóti til árs þeim ok friðar, svâ sem faðir hans gerði, staðnar
þá kurrinn, ok slíta þeir þíngino. Siðan talaði Sigurðr jarl
við konúng, ok bað hann eigi nemast með öllu, at gera sem
bœndr vildi, sagði at eigi mundi annat lýða, en sveigja til
nokkot við bœndr: er þetta, konúngr, sem sjálfir þer megut
heyra, vili ok ákafi höfðingja ok þarmeð alls fólks; skolo ver,
konúngr, her finna til gott ráð nokkut; ok samdist þat með
þeim konúngi ok jarli.
16. [[** Dette er idag avsn 14 **]] Sigurðr Laða-jarl var hinn mesti blótmaðr, ok svâ
var Hákon fadir hans; hèlt Sigurðr jarl upp blótveizlom öllum
af hendi konúngs þar í Þrændalögom.
Þat var forn siðr, þá er blót skyldi vera, at allir bœndr
skyldo þar koma, sem hof var, ok flytja þannug fong sín, þau
er þeir skyldo hafa, meðan veizlan stóð. At veizlo þeirri skyldo
allir menn öl eiga: þa var ok drepinn allskonar smali ok svâ
hross, en blóð þat allt, er þar kom af, þat var kallat hlaut,
ok hlautbollar þat, er blóð þat stóð í, ok hlautteinar, þat var
svâ gert sem stöklar, með því skyldi rjóða stallana öllo saman,
ok svâ veggi hofsins utan ok innan, ok svâ stökkva á mennina;
en slátrit skyldi sjóða til mannfagnaðar. Eldar skyldo vera
á miðjo gólfi í hofino, [[** fulgt av defekt spatium? **]] ok þar katlar yfir, ok skyldi full um
eld bera. En sá er gerði veizlona, ok höfðíngi var, þá skyldi
hann signa fullit ok allan blótmatinn. Skyldi fyrst Óðins full,
[skyldi þat drekka til sigrs ok ríkis konungi sínom, en síðan
Njarðar full ok Freys full til árs ok friðar. Þá var mörgum
mönnum títt at drekka þarnæst Braga full; menn drukko ok
full frænda sinna, þeirra er göfgir höfðo verit, ok vâro þat
minni kölluð.
Sigurðr jarl var manna örvastr; hann gerði þat verk, er
frægt var mjök, at hann gerði mikla [blótveizlo á Hlöðom, ok
hèlt einn upp öllum kostnaði.
18. [[** Dette er idag avsn. 17 **]] Um haustit at vetrnóttum var blótveizla á Löðom, ok
sótti þartil konúngr. Hann hafði jafnan fyrr verit vanr, ef
hann var staddr þar sem blót vâro, at matast í litlu húsi með
fá menn; en bœndr töldo at því, er hann sat eigi í hásæti
síno, þá er mestr var mannfagnaðr; sagði jarl, at hann skyldi
eigi þá svâ gera, var ok svâ at konúngr sat í hásæti síno.
En er et fyrsta full var skenkt, þá mælti Sigurðr jarl fyrir,
ok signaði Óðni, ok drakk af horninu til konúngs; konúngr
tók við, ok gerði krossmark yfir: þá mælti Kárr af Grátingi:
<< prev. page << föreg. sida << >> nästa sida >> next page >>
