Full resolution (JPEG) - On this page / på denna sida - Icelandic Reader
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
hví ferr konúngrinn nú svâ? vill hann eigi enn blóta? Sigurðr
jarl svarar: konúngr gerir svâ, sem þeir allir, er trúa á mátt
sinn ok megin, ok signa full sitt Þór; hann gerði hamarsmark
yfir, áðr hann drakk. Var þá kyrt um kveldit. Eptir um
daginn, er menn gengo til borða, þá þusto bœndr at konúngi,
sögðu at þá skyldi hann eta brossaslátr; konúngr vildi þat firir
engan mun. Þá báðu þeir hann drekka soðit; hann vildi þat
eigi. Þá báðo þeir hann eta flotit; hann vildi þat ok eigi;
[ok var þá við atgöngu búit.
[Jarl kvaðst vildu sætta þá, ok bað þá hætta storminom,
ok bað hann konúng gína yfir ketilhödduna, er soðreykinn hafði
lagt upp af hrossaslátrino, ok var smjörug haddan; þá gekk
konúngr til, ok brá líndúk um hödduna, ok gein yfir, ok gekk
síðan til hásætis, ok líkaði hvârigom vel.
19. [[** Dette er idag avsn. 18 **]] Um vetrinn eptir var búit til jólaveizlo konungi inn
á Mœri; en er atleið jólunom, lögðo þeir stefno með ser átta
höfðingjar, er mest rèðo fyrir blótum í öllum Þrændalögum;
þeir vâro 4 utan or Þrándheimi: Kárr af Grýtíngi ok Ásbjörn
af Meðalhúsum, Þórbergr af Varnesi, Ormr af Ljoxu; en af
Innþrændom Bótólfr af Ölvishaugi, Narfi af Staf i Veradal, þrándr [[** sic þ **]]
haka af Eggjo, Þórir skegg af Húsabœ í eynni Iðri: þessir 8
menn bundust í því, at þeir fjórir af [Utþrændom skyldu eyða
kristninni, en þeir fjórir af Innþrændom skyldu neyða konúng
til blóta. Utþrændir fóro 4 skipom suðr á Mœri, ok drápo
þar presta 3, ok brenndo kirkjor 3, [fóro aptr síðan. En er
Hákon konúngr ok Sigurðr jarl komu inn á Mœri með hirð
sína, þá vâro þar bœndr komnir allfjölmennt. Hinn fyrsta dag
at veizlonni [veitto bœndr, konúngi atgöngo, ok báðo hann
blóta, en hèto hânom afarkostom ella; Sigurðr jarl bar þá
sáttmál í millom þeirra, kömr þá svâ at Hákon konúngr át
nokkura bita af hrosslifr; drakk hann þá öll minni krossalaust,
þau er bœndr skenkto hânom.
En er veizlo þessarri var lokit, fór konúngr ok jarl þegar
út á Hlaðir; var konúngr allúkátr, ok bjóst þegar í brott með
öllu liði síno or Þrándheimi, [ok mælti svâ, at hann skyldi
fjölmennari koma í Þrándheim annat sinn, ok gjalda bóndom
þenna fjandskap, er þeir höfðo til hans gert. Sigurðr jarl
bað konúng gefa Þrændom þetta eigi at sök; segir svâ at
konúngi muni eiga þat duga at heitast eðr herja á innanlands
fólk, [þar sem mestr styrkr er landsins, sem í Þrándheimi
var. Konúngr var þá svâ reiðr, at eigi mátti orðom við hann
koma; fór hann í brott or Þrándheimi, ok suðr á Mœri;
<< prev. page << föreg. sida << >> nästa sida >> next page >>
