Full resolution (JPEG) - On this page / på denna sida - Prolegomena
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
8
bebant novae libertatis propugnaculum. Quae
quum ita essent, ut omni metu liberarentur
scribentium animi, neque ullis jam verecundiæ
vinculis retineretur jocandi petulantia, publice, auctore
Pericle, promulgatum edictum est, quo non
solum libera Comicis permissa cavillandi licentia, sed
sua quoque iis statuta publica stipendia, publica
praemia. Impensas, quas requirebat sumtuosus
chorus, qui e tragoedia in comoediam receptus
manebat, ceterique scenici apparatus, praestare
honori sibi ducebant, quorum lautiores opes erant,
cives, choragi nominis studiosi. Neque ejusmodi
rei comicae studiis suus defuit successus. Multi
brevi tempore exstitere novi generis cultores,
celebranturque ceteros inter Comicos, Pericli
aequales, Magnes, Cratinus, Hermippus, Eupolis, qui
omnes,
Si quis erat dignus describi, quod malus, aut fur,
Quod moechus foret aut sicarius, aut alioqui
Famosus, multa cum libertate notabant.
Ne tamen haec omnia ita a nobis disputâta
quis credat, ac si nos ex fortuitis quibusdam
civitatis formis, potius quam ex ipsa naturae
humanae indole, diversum tragoediae et comoediae
ingenium explicandum putemus, paucis jam
cavendum. Orta quidem inter Graecos et elaborata
haec sibi invicem opposita dramaticae artis
genera iis praesertim, de quibus locuti sumus, tempo.
<< prev. page << föreg. sida << >> nästa sida >> next page >>
