Full resolution (TIFF) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
4. atriði.
Í húsi Kapúletts.
(Kapúlett, frú Kapúlett og París.)
Kap.: Við höfum haft svo mikla mæðu, greifi,
að tíð fèkkst ei til tals við dóttur okkar;
því gætið að, hún tregar mikið Tíbalt;
eg líka; nú—við deyjum eitt sinn allir.
Það er svo seint, hún fæst ei framar ofan,
og hefðuð þér ei haldið mèr, þá vær’ eg
til hvíldar genginn fyrir heilli stundu.
Par.: Á harmatíð skal eigi brúðar biðja.
Frú, góða nótt, og færið henni heilsan.
Frú Kap.: Á morgun snemma veit eg hennar vilja,
hún vakir ein í kvöld með raunum sínum.
Kap.: Eg, herra París, ætla að ábyrgjast
um ástir dóttur minnar; eg vil halda
hún muni’ í flestu fylgja mínum vilja;
já, veit það víst.—(Tii frú Kap.) En vitja hennar áður
þú ferð til svefns, og segðu henni frá því,
að son minn París vilji biðja hennar,
og heyrðu, mundu, á miðvikudaginn kemur—
nei, bíðum við, í dag er?
Par.: Mánudagur.
Kap.: Á miðvikudaginn! Ha, ha! heldur snemmt;—
fimmtudag þá? Á fimmtudaginn, segðu,
þá skuli’ hún verða greifa þessum gefin.
Hvað sýnist yður? Er það kannske fljótlegt?
við höfum litla viðhöfn — fáa vini,
því stutt er síðan Tíbalt vor var veginn,
<< prev. page << föreg. sida << >> nästa sida >> next page >>
