113 segi þér, Ljót. Það hefir alt af verið mín hugsun, að þú tækir við jörðinni. Þegar þú lofaðir mér í gær að giftast Hálfdani, fanst mér, að allar mínar óskir væru uppfyltar — eg var himinglaður. — Það var ekki eingöngu vegna þín, það var eins mikið vegna jarðarinnar — :og svo ætlarðu að fara þegar ólánið dynur á. Hefirðu litið í kringum þig — það er hvert einasta hús hrunið. — Gætirðu skilið við gamlan föður þinn einn og yfirgefinn — það væri að leggja föður þinn í gröfina — og handa hverjum ætti eg þá að byggja upp jörðina, ef þú vilt ekki búa á henni, — þá væri jafngott að láta öll húsin rotna niður í moldina. 'LJÓT Þú veizt ekki, hvað mér þykir vænt um hann, pabbi. Mig hefir oft dreymt, að fjöllin hryndu og að það opnaðist fyrir mér nýr heimur. Í nótt hrundu fjöllin. SVEINUNGI snýr sér frá Ljót Þú getur farið inn í tjaldið. Eg vil Jóh. Sigurjónsson: Bóndinn á Hrauni. 8