Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Christianæ disceret gens Lapponum. Primo dico, quoniam deinde
secuti alii, publicati ab aliis, quos inter Manuale est, ut vocant, ex
Suetico translatum in Lapponicum à Johanne Tornæo, Pastore
ac Præposito Tornensi, continetque Psalmos Davidis, Proverbia
Salomonis, Ecclesiasten, Syraciden, Cathechesin Lutheri,
Cantiones Sacras, Evangelia & Epistolas cum precibus solennibus,
historiam Passionis Christi, vastationem urbis Hierosolymorum,
rituale, preces omnis generis, sicut iple hujus rei auctor est in
Lapponiæ descriptione, Tertium quod observamus, illud est, quod
ut eo promptius faciliusque liberos ad Scholam suos mitterent
Lappones, Gustavus Adolphus certas decreverit pecunias, non in
victum modo puerorum, sed inamictum quoque aliaque necessaria,
& in præmium illius, qui de educatione ipsorum curam esset
habiturus. Sicut & hoc ipsum discimus ex dedicatione Nicolai
Andreæ, ubi inter alia: Et quo ista melius expedirentur, Majestas
vestra indulsit concessitque, cum in juventutis Lapponicæ victum
amictumque aliaque necessaria, tum pro meis obsequentissimis ministeriis, curis,
& laboribus, amplum laudandumque præmium ac stipendium. His
igitur subsidiis adjuta gens Lapponica majori cura cogitare cœpit
de religione Christiana, cum præsertim eam discerent non lingua
peregrina, verum sua. Olim qui erudiebant ipsos, lingua utebantur
Suetica, ut dixi superius, docetque Baazius Hist. Eccl. lib, 7. c.
15. Rex Sueciæ Carolus Nonus curabat templa æedificari, sed deerant
concionatores verbi Dei, qui materna Lapponum lingua illis verbum
prædicarent, neque aliam linguam vulgo intellexerunt. Et Olaus Petri:
Clerus concionibus assiduis non in Lappica lingua, quam nemo calluit, sed
Suetica, quam Lappi perperam intellexere, rem sepræclare gessisse
autumabat. Itaque discebant quidem aliqua, verum ita, ut ne ipsi
quidem scirent satis, qualia, quæ didicissent, essent Dn. Nicolaus
Andreæ, sæpe nominato loco; Quidam ex ipsis adulti pariter ac
juniores hactenus orationes fundebant sermone Suetico, sed ignorabant ipsi,
quid orarent. Stabat aliquando Sacerdos in suggestu, cum interprete
inferius collocato, cujus opera explicabantur, quantū poterant, quæ
Sacerdos docebat. Samuel Rheen: Nær prædikan haolles af en hvvensk
<< prev. page << föreg. sida << >> nästa sida >> next page >>
