Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
De Choöphoris Aesch. et Electris Soph. atque Eurip. 71
Ex his omnibus rebus satis dilucide apparnit spectantibus, in quo
actio fabule posita esset et unde proficisceretur. Apparuit Orestem,
Agamenmmonis filium, clarissimi illius Grecoruom ducis, domum eo con-
silio rediisse, ut patris vindicandi causa necem parricidis inferret et
domum patriam restitueret. Apparuit eum non modo sua voluntate et
monitis pedagogi commotum, verum etiam Apollinis Pythici auctoritate
confirmatum ad rem peragendam aggredi. Apparuit Electram sororem
precipoam in partem actionis vocatum iri, quippe que e media morte
eripuisset Örestem neque esset complurium annorum miseria adducta,
ut dolorem, morte patris conceptum, quicquam sedaret, sed Maxima in
eum caritate capta, acerbissimo autem in interfectores odio incensa, a
diis uoltoribus etiam atque etiam poenas imploraret. Apparuit denique
quomodo res, in qua actio fabule verteretur, futurum esset, ut gerere-
tur. Atque homines ii, qui in prologo in scenam inducti sunt, non
tam narrantes, quam agentes, hec omnia spectantibus exponunt. Peeda-
gogus, itinere nondum confecto, loca patrie oculis oblata Oresti os-
tendit, qu&e ubi oculis sunt perlustrata, Orestem et Pyladem cohor-
tatur, ot quid sit agendum quam primum deliberent. Orestes igitar
constituit, pedagogum in domum intromittere, ipsum autem cum Pylade
primum tumulo patris inferias afferre, deinde ad des accedere. Hoc
consilio exposito preces diis adhibet eorumque auxilium implorat. Quo
facto Electra, in scenam prodiens, et patrem lamentatione sua honorat
et deorum inferorum fidem et opem orat atque obsecrat. Neque vero
ad animos spectatorum tenendos et commovendos non aptissime sunt
e& res, que hoc in prologo ante oculos ponuntur. Vident clarissimi
regis filium, cujus quoniam pater a matre ipsa ejusque adultero impie
trocidatus erat et patrium regnum a parricidis tenebatur tamquam ex-
sul a puerulo peregre &etatem degerat, duobus tantum comitibus, quo-
rum alter erat senex servus, alter amicus hospes, domum redeuntem
ac solum natale primum domumque patriam spectantem. Vident filium
et officii religione adductum et divina auctoritate ornatum venisse, ut
par pari referendo a matre sua socioque illius poenas repeteret. Vident
denique ejusdem regis filiam, cui vitam filius acceptam referret, maxi-
mo moerore oppressam, ex afflicta Pelopidarum domo, ubi inulta pa-
tris morte quotidie deploranda ac vindice fratre exspectando se ipsa
conficeret, egredientem in eundem locum, quem exoptatissimus idem
frater, ea insciente, nuperrime reliquisset.
Virtutibus igitur iis omnibus instructus est hic prologus, que ab
illa tragoedie parte desiderantur’|). Hunc si conferemus cum Choöpho-
!) Cfr. ann. 2. p. 15.
<< prev. page << föreg. sida << >> nästa sida >> next page >>
