- Project Runeberg -  Bandamanna saga /
4

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

gerði hann þat at bæn þeira; kaupir land á
Mel í Miðfirði. Hann eflir þar mikinn búnað
ok gerist rausnarmaðr í búinu, ok er svá sagt
at eigi þótti um þat minna vert enn um farar
hans. Ok nú var enginn maðr jafnágætr sem
Oddr var fyrir norðan land. Hann var betri
af fé enn flestir menn aðrir; góðr órlausna við
þá sem hans þurftu ok í nánd honum váru,
enn föður sínum gerði hann aldri hagræði ok
lét sem hann sæi hann eigi. Skip sitt setti
hann upp í Hrútafirði. Engi maðr hér á landi
var jafnauðigr sem Oddr; heldr var hitt sagt,
at hann mundi eigi minna fé eiga enn þær kirkjur,
er auðgastar váru hér á landi. Í öllu lagi
var hans fé mikit, gull ok silfr, ok ganganda
fé ok jarðir. Váli frændi hans var með honum,
hvárt sem hann var hér á landi eða utan
lendis.

3. Maðr er nefndr Glúmr. Hann bjó á Skriðinsenni;
þat er milli Bitru ok Kollafjarðar.
Hann átti þá konu er Þórdís hét, dóttir
Ásmundar hærulangs, systir Grettis. Óspakr hét
son þeira. Hann var mikill maðr vexti ok sterkr,
ódæll ok uppivöðslumikill. Hann var brátt í
flutningum milli Stranda ok norðrsveita. Hann
var gervilegr maðr ok gerist rammr at afli.
Eitt sumar kom hann í Miðfjörð ok seldi fang
sitt. Um haustit, er á leið, einn dag, ríðr Óspakr
upp á Mel ok hittir Odd. Þeir kvöddust ok

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0010.html

Valid HTML 4.0! All our files are DRM-free