- Project Runeberg -  Bandamanna saga /
16

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Þórarinn. Þá mælti Styrmir til Þórarins: „Heyrir
þú nú hvat fram ferr um málit Óspaks?“
„Heyri ek“, segir hann. „Já“, segir hann
Styrmir, „viltu nökkur svör veita fyrir Óspak?“.
„Nei“, segir Þórarinn, „engu mun ek mér þar
af skifta, ok er Oddi várkunn ok full nauðsyn
at mæla eftir slíkan mann. Enn ek hygg
Óspak eigi góðan mann“. „Já“, segir Styrmir,
„eigi er maðrinn góðr, enn þó er yðr enn
nökkur vandi á við hann“. „Já“, segir Þórarinn,
„ekki hirði ek um þat“. Styrmir segir: „Á
hitt máttu líta, at várt vandræði mun verða,
ef hann verðr sekr, ok er þetta bótamál, því
at báðir megum vit sjá vörn í málinu, at hann
hefir rangt til búit ok kvatt þar búa heiman
ór heraði í stað þess er andaðist, enn hann átti
þat á þingi at gera, ok eru spjöll á málinu“.
Þórarinn segir: „Eyrir löngu sá ek þat, enn
svá mikil þykki mér nauðsyn á um málit Odds,
at ek veit eigi, hvárt ek nenni at vera í mót
honum“. Styrmir segir: „Til þín þykki mér
mest koma málit, ok svívirðing er þér í þessu,
ef þú sér brýna vörn, enn fram sé haft málit.
Ok er þat mála sannast, at eigi skiftir, þótt
Oddr viti at fleiri eru enn nökkurs verðir norðr
þar enn hann einn. Treðr hann oss undir fótum
ok vára menn, ok er hans eins getit. Dregr
hann af því þingmenn sína ok sitr yfir metorðum
várum“ — ok sprettr upp ok gengr at

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0022.html

Valid HTML 4.0! All our files are DRM-free