- Project Runeberg -  Bandamanna saga /
17

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

dómum ok mælti: „Hér eru þeir menn, er svara
munu málinu fyrir Óspak, ok hefir þú rangt
til búit ok eru spjöll á máli. Eru nú tveir
kostir til; annathvárt at þú látir lokna niðr
málit, þar sem nú er komit, eða vér munum
hafa fram vörnina ok njóta þess er vér kunnum
nökkut heldr í lögmálinu“, — ok segir honum
hver á váru spjöllin. Oddr verðr nú fár um,
ok þykkir nú í óvæn efni komit, ok gengr á
burt ok heim til búðar, ok í búðasundunum
gengr maðr einn í mót þeim, gamall ok hrumr,
ok hafði kápu svarta ok ein ermr á, bugstaf í
hendi ok broddr í; hafði síða hettuna, ok rak
undan skygnur, stappaði niðr stafnum ok fór
heldr bjúgr. Þar var kominn Ófeigr karl faðir
hans. Þá mælti Ófeigr: „Snemma gangi þér
frá dómum“, sagði hann, „ok er yðr eigi einn
hlutr vel gefinn, at svá er alt snarlegt og
snöfurlegt um yðr, eða er hann sekr Óspakr?“
„Nei“, sagði Oddr, „eigi er hann sekr“. Ófeigr
mælti: „Eigi er þat höfðinglegt“ at ginna mik
gamlan, eða hví mundi hann eigi sekr? var
hann eigi sannr at sökinni?“ „Sannr víst“, segir
Oddr. „Hvat er þá?“ segir Ófeigr, „ek hugða
at hann mætti bíta sökin, eða var hann eigi
banamaðr Vála?“ „Engi mælir því í mót“,
sagði Oddr. Ófeigr mælti: „Hví er hann þá
eigi sekr?“ Oddr svarar: „Vörn fanst í málinu,
ok fell niðr“. Ófeigr mælti: „Hví mundi

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0023.html

Valid HTML 4.0! All our files are DRM-free