Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Aboënsis, Henricus Hoffmannus, Præp. et P. in Mascu, atque
Gregorius Matthæi Pastor Pikiensis. Errat itaque Le Long
in Bibliotheca sua Sacra, qui hos omnes Professores
Academiæ Aboënsis constituit, quæ demum 1640 erigebatur, dum
versio hæc Bibliorum jam erat prælo parata; neque tum nisi
primo nominati bini horum Professorias obtinuerunt cathedras.
Aliud grave men dum idem committit, dum antiquitati
versionis Agricolaæ Novi Testamenti et Psalterii integrum seculum
detrahit. Notarius Collegii hujus Biblici denominabatur
abavus meus paternus, Jonas Matthiæ Raumannus, cujus diarium
laborum in hac statione exantlatorum adhuc servatur. Ea vero
sedulitate huic negotio admovebantur manus, ut jam 1640
Jacobus Magni, qui postea se Hammarmannum vocavit, et
constitutus est Concionator Ammiralitatis, una cum Canuto
Erici, potuerint Holmiam ablegari, futuri editionis correctores.
Ita prodiere prima vice integra Biblia Finnica, dicata Reginæ
Christinæ, in folio 1642, typis Henrici Keyser. Quod
præfationes, summaria, marginalia concordantias et indicem
concernit, accurate sequitur hæc editio illam Svecanam, quæ
tempore Regis Gustavi Adolphi 1618 lucern vidit. Ea vero
copia edita sunt exemplaria, ut non modo quælibet ecclesia
acciperet unum, sed etiam privatis, verbum Dei amantibus,
sufficerent.
Cum nobis non sit constitutum agere de insequentibus
postea et multum emendatis editionibus vel integrorum
Bibliorum vel Novi Testamenti, vel variorum Librorum Biblicorum
in ita dictis manualibus, ad alia jam pedem promovemus.
Quod inde ab initiis Reformationis typis impressi fuerint
Finnico idiomate libri abecedarii et catecheses, eo minor est
dubitandi ansa, cum Messenius in chronico Finniæ rhytmico
perhibeat, hoc Agricolæ cura fuisse factum, ipse quoque in
præfamine Psalterii referat, „abckirjat ja alcuoppi uscon", libros
abecedarios et catecheticam in fide institutionem, jam tum
typographiam reliquisse. Sed fatum illud hi libelli experti sunt,
quod evenire solet ejusmodi scriptis minioribus jugi usu
vulgari attritis, ut oculis se plane subduxerint.
Librum precum Finnicorum consignavit idem
laboriosissimus Agricola, Amundi Laurentii typis 1544 octava forma
editum. Præmittitur huic Calendarium, et variæ tam
<< prev. page << föreg. sida << >> nästa sida >> next page >>
