Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
líklega talið það svo kunnugt Norðmönnum, að honum
hefir eigi þótt þess þurfa. [1]
Á 12. öld var Giraldus Cambrensis (Gerald de Barry)
uppi á Englandi; hann hefir ritað bók, sem heitir
»Topographia Hiberniæ«, og getur þar Íslands. Giraldus
Cambrensis fæddist 1146 í Wales, en dvaldi fyrri hluta æfi
sinnar á Frakklandi, varð háskólakennari í París og
síðan biskup og fékk mikil völd. G. de Barry var mjög
mælskur maður, metorðagjarn og ráðríkur; hann var opt
með Hinriki öðrum Engla konungi (1154—1189), og var
seinna aðstoðarmaður Jóhanns landlausa og ferðaðist með
honum til Írlands; þar safnaði hann efninu í bók sína
um Írland. Þegar bókin var búin, las hann hana í heyranda
hljóði í Oxforð í þrjá daga fyrir mörgum tignum
mönnum og hélt höfðingjunum, sem hlustuðu á hann,
stórveizlur á milli. Þótti mönnum nóg um kynjasögurnar
sumar, og honum var jafnvel borið á brýn, að hann
hefði eytt gömlum annálum, til þess að gjöra bók sína
þýðingarmeiri. Árið 1188 ferðaðist G. de Barry með
erkibiskupinum af Kantaraborg um England til þess að
prédika krossferð og lét sjálfur krossast, en páfinn leysti
hann seinna frá heitinu. Giraldus tók mjög mikinn þátt
í stjórnardeilum og óeirðum, og gekk því upp og niður
fyrir honum; þóttist hann ná miklu minni metorðum en
hann ætti skilið; hann settist að í Lincoln 1192 og fékkst
við ritstörf, og var spakari seinni hluta æfi sinnar; hann
var enn á lífi 1220, en ekki vita menn með vissu, nær
hann dó, sumir segja 1223. Gerald de Barry segir svo frá
Íslandi: »Ísland er stærst af hinum norrænu eyjum og
liggur þriggja daga sigling í norður frá Írlandi; þar
býr stuttorð og sannorð þjóð. Hún talar sjaldan og stutt,
og brúkar enga svardaga; hún kann ekki að ljúga, því
ekkert er þar meira fyrirlitið en lygi. Hjá þessari þjóð
er sami maðurinn konungur og prestur, foringi og
<< prev. page << föreg. sida << >> nästa sida >> next page >>
