Full resolution (JPEG) - On this page / på denna sida - Liber Tertius. De superstitiosa cultura dæmonum populorum Aquilonarium - Cap. XX. De Mago ligato
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
APVD Ostrogothos lacus est maximus recentium aquarum | |
Veter lacus. | Veter dictus ( de quo superius satis dictum est ) amœnam, |
sed oblongam insulam in umbilico suo habens, duas | |
Visingxœ insula. | tenentem Ecclesias parochiales : sub quarum altera specus |
cavernoso, longoque introitu, & exitu immensæ profunditatis | |
Specus. | reperitur: quam specum non nisi vanæ ostentationis, |
& curiositatis homines laternis accensis, filisque glomeratis | |
repetendi regressus provisi descendunt: ea potissimum | |
Gilebertus magus ligatus. | causa, ut quendam magum Gilebertum nomine, |
arte magica (unde calamitas eius orta est ) a vetustissimo tempore per proprium præceptorem | |
Catillus. | Catillum, cui insultare præsumpserat, superatum atque ligatum, eo scilicet |
modo, ut exiguo fuste certis characteribus Gothicis, seu Ruthenicis sculpto, atque | |
a præceptore proiecto, & manibus apprehenso ipse Gilbertus immobilis maneret, | |
et obstrictus: nec dentibus ad solvendum adhibitis(quasi tenaciori bitumine astrictis) | |
Consilium dolosum. | nec pedibus doloso præceptoris consilio admotis, dissolvi posset. Cuius spectaculi |
causa visendi, etsi plures temerarii spiritus inspectores vehementi admiratione | |
accurrere soleant, tamen non propius, ob fœtorem cavernæ, & noxios vapores, | |
aggredi præsumunt, ne spiritu obstructo, clausoque stomacho suffocentur. Arcentur | |
etiam appositis aggeribus, & repagulis incolarum, ne proprii periculi contemptores | |
velut insanientes (nunquam egressuri) ingrediantur. Præterea lege gravissima | |
Pœna temerariorum. | tanquam de his, qui sibi mortem consciverunt, provisum est, ne hæc pericula |
agnoscentes, alios inexpertos ad huiusmodi spectaculum perscrutandum alliciant, | |
aut allectos inducant, cum multis exemplis notissimum sit, in eo antro ad mortem | |
usque plurimos fuisse periclitatos, ita ut facilius apud Cretenses portentosissimum | |
Dædali labyrinthus. | Dædali labyrinthum, itinerum ambages, occursus, & recursus inexplicabiles continentem, |
crebrasque fores ad fallendos exitus, reditusque in errores eosdem habentem, | |
penetrarent, & evaderent, quam hanc profundissimam specum, & flexuosam viam. | |
Simile |
<< prev. page << föreg. sida << >> nästa sida >> next page >>