- Project Runeberg -  Historia de gentibus septentrionalibus /
457

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XIII. De agricultura et humano victu - Cap. XXXV. De diuersitate, & forma vasorum

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XIII.         457


illustration placeholder

De diversitate, & forma vasorum.


CAP. XXXV.

                                        VARIA vasorum genera, vt sunt æneæ, seu cupreæ amphoræ, Figuræ vasorum variæ.
                                        satis justa magnitudine & multitudine reperiuntur
                                        apud Aquilonares: quæ quidem vasa vt sortia sint oportet:
                                        tanta etenim ingentissimi frigoris, & durissimi tactus
                                        hominum vis est, vt nusquam mollia vasa, aut fragilia vitraVasa solidissima Aquilonaria.
                                        infracta serventur, vt infra de ritu epulandi dicetur. Præterea
                                        pelues, æneæ ollæ, mortariola, ac lavachra diversarum
                                        figurarum: demum stannea vasa, & hæc plerunque exotica, Genera vasorum.
                                        vt Anglicana: quæ negotiatores propter naturalemStannum Anglicanum.
duritiem, & splendorem, nisi crimine salsi arcerentur, pro argento divendere possent.
Quod autem ænea, cuprea, aut ferrea sunt omnia, etiam aliæ rationes præterCausæ soliditatis vasorum.
hyemis rigorem adsunt, nempe vt penes ignem pro liquoribus conficiendis, ne
congelentur, pro tempore maneant, aut reponantur. Præterea quia cæteris durabiliora
sunt, vt numero dotis computentur. Et demum, vt per sobolem ad hæredes, ac
tempore belli in terra custodiri, & pro arcenda fame, accomparandis frugibus agrorum
seminandorum, distrahi valeant, tanquam argentea supellex, diligentius cuslodiuntur: Argento redimitur incendium.
immo nisi potentissimus hostis aliter repressus fuerit, argenti oblatione placatur. Vasa
vero fictilia, quia liquore plena, glacieque constricta, citissime rumpuntur, in arte, Vasa vitrea inusitata.
aut vsu non sunt, nisi quæ per mare quæstus causa a Germania afferuntur: similiter
& viridia vitra, cæteris fragilibus fortiora. Sed adhuc fatendum est, ollas repeririOllæ lapideæ.
lapideas apud Occidentales Gothos, & Meridionales Norvegos, quemadmodum
Romæ videntur in Agone venales: quæ tantam vim ebullitionis ab igne super
petram, vel frigidos cineres retinent, vt supervenienti inspectori appareant sine foco
bullire: talique spe nonnulli Iuthones, seu Cimbri, decepti sunt: qui vt cibos fine
lignis & igne decoquant, hujusmodi ollas hilariter comparare festinant, gens
alioqui in fictionibus ingeniosa. Sunt & vasa instar Regii diadematis, seu coronæ,
e crispatis arborum radicibus subtiliter elaborata: quæ voluptatis causa solennioribus
conviviis ad bibendum applicantur, vulgarique verbo Kosa dicuntur. PrætereaKosa Finnonica.
aliud genus vasorum deauratis labris, & pedibus, e gryphonum vngulis bonam
liquoris quantitatem tenentibus, fabricatum. Item scyphi, seu crateres argentei,

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0543.html

Valid HTML 4.0! All our files are DRM-free