Full resolution (TIFF) - On this page / på denna sida - Um nafnið "Hringr" (Jón Jónsson)
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
140 J. Jónsson: "Hringr".
Sigurdar konungs á Hringaríki, og síðan Sigurd hring, son
Sigurðar (hrings) konungs í Noregi (að líkindum
fylkiskonungs á Hringaríki).
Það má þannig finna mörg forn munnmæli því til
styrkingar, að sögn Snorra um ríki Sigurðar hrings og ættmanna
hans hafi að styðjast við forna arfsögn, sem auðvitað hefir
verið jafnupphafleg í átthögum Sigurðar hrings í Noregi
(Hringaríki, Álfheimum) og í Danmörku (og Gautlandi), svo
að það þarf als ekki að vera, sem dr. Jessen segir, að sagnir
Íslendinga um þessa konunga hljóti að vera "danske
efterretninger på tredje hånd", það er að segja: að þær hafi orðið
fyrst að berast frá Danmörku til Noregs og þaðan til Íslands
þvíað hér að framan er sýnt, að Íslendingr gat vel haft þær
eptir Norðmanni (Þorgeiri afráðskoll), sem hafði þær frá
munnlegri arfsögn í sínu landi, er hefir getað gengið mann
frá manni frá dögum Haralds hárfagra. Auk þess gátu
landnámsmenn flutt beint til Íslands ýmsar sögur um fornkonunga
þá, er ríki höfðu haft í Noregi og víðar á Norðrlöndum
einkum þeir, sem töldu sig í ætt við þá. Og einhver hinn
helzti ættbálkr Íslendinga (Breiðfirðingar) taldi meðal
forfeðra sinna bæði hersi á Hringaríki (Ketil veðr),
Upplendingakonunga og jafnvel Sigurð hring sjálfan og Ragnar son
hans. Það er því engin ástæða til að halda, að nafnið
"Sigurðr hringr" sé sett saman af nöfnum tveggja deilandi
samkonunga (Steenstrup: Norm. I. 117. bls.) og orðið til við
misritan og misgáning danskra sagnamanna, og gleymsku
Íslendinga (Jessen: Undersögelser 16.-17. og 32. bls.), heldr
er hitt miklu líklegra, að Sigurðr konungr hafi fengið
viðrnefni sitt "hringr" af því, að hann hafi verið ættaðr frá
-
og enda Vindland (Sax. l. VIII. p. 391-92, sbr. 396). Sumu af þessu bregðr
aptr fyrir í frásögn Saxa um niðja Gautreks Danakonungs, er skipar rúm
Guðröðar í dönsku konungaröðinni, þar sem dóttursonr hans (Sigurðr hringr
sonr norræns höfðingja með sama nafni) fær fyrst vald yfir nokkrum hluta
Danmerkr, og vinnr svo hitt af Hringi systrungi sínum, en sonr hans
(Ragnarr) verðr hinn frægasti af víkingaferðum (Sax. l. IX.).
<< prev. page << föreg. sida << >> nästa sida >> next page >>
