Full resolution (TIFF) - On this page / på denna sida - Häfte 1 - Brudstykke af en latinsk Oversættelse af Kongespeilet fra 14de Aarhundrede (Gustav Storm)
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
non pertingitur ad eam, tamen scitur ex eo qvod animalia qvædam qvæ
tantum vivere dicuntur in Yrlandiâ veniunt interdum ad Grønlandiam.
Ibi est salubris temperies aeris; nec multum necesse de vestibus. Item
venenosa animalia, sicut serpentes, ibi vivere non valent; qvia terra
est talis efficaciæ, qvod qvocumqve portatur, interficit ea. Idem faciunt
lapides et arbores circulo circumducto. Item secundum relationem
didici ibidem esse qvandam aqvam, qvæ alterat naturam ligni in fundo
transfixi in ferrum; partem vero stantem in ipsâ aqvâ mutat in
lapidem; sed extrema particula stipitis super aqvam erecta, manet
in suâ formâ substantialiter lignum, si steterit per tres annos,
et tantum illa arbor qvæ vocatur acrifolium. tamen in eadem palude
crescunt arbores et arbusta. Item incolæ istius regni sunt ferocissimi,
sed sanctos et humiles valde reverenter diligunt, et nuncqvam aliqvos
trucidabant, per eosqve sub misericordia Dei conservantur. Item
audivi ibi duos fontes existere sub iugo montis unius, qvorum unus
variat qvidqvid album fuerit, sicut ovis vel eqvus, in colorem contrarium,
sicut nigredinem. et alter fons, cuiuscumqve coloris fuerit res sibi intincta
reddit ipsam albam. Item est ibi in qvâdam aqvâ, nomine Logica,
insula mobilis qvæ aliqvando videtur eminus è terra defluere, aliqvando
cominus affluere, et præcipue in diebus dominicis. Postqvam fuerit
taliter revoluta per vii annos, tunc coniungitur rupi terræ consolidatione
firmissima, eoqve tempore connexionis causatur sonus vehementissimus
ad modum tonitrui. Deinde exit alia insula simili modo
conglobata fluitqve aliis septem annis et sic in infinitum. Mirabilem
effectum habet potentia huius loci. non portat nisi unam personam
tantum, ut dicunt qvi freqventer navigio venerunt ad eam. Item
qvalemcumqve infirmitatem habuerit patiens, et qvieverit paulisper
super eâ, ab omni passione liberatur. Item legitur in Ybernia modicam
insulam esse, nomine Inhiisgluer, in qvâ mortui non sepeliuntur, sed
eriguntur cadavera eorum, sicut vivi starent in cimiterio, et non
corrumpuntur. Item invenitur ibi una insula, in qva homines mori
non possunt; sed cum longâ valetudine fuerint concussi, deportantur
et obiunt. Item in aqvâ nominata Logherne est nimia habundantia
piscium, in eâqve sita est insula fertilissima, cuius dimidietatem
inhabitant dæmones tam potentes sicut in inferno, in saniore vero
parte illius fuit una ecclesia, et homines ibi habitabant, sed raro
recesserant. Ibiqve visum est qvoddam monstrum, formam habens
humanam, hirsutum valde, jubam gerens eqvinam. Hæc de naturâ
terræ creduntur retinere effectum et veritatem. verum tamen qvædam
feruntur ibi miraculose choruschare propter sedulas preces sancti.
<< prev. page << föreg. sida << >> nästa sida >> next page >>
