Full resolution (TIFF) - On this page / på denna sida - J.: Anmälan av Storm: Islandske Annaler indtil 1578
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Islandske Annaler. 293
I. Annales Reseniani eða Resensannálar, hér prentaðir stafrétt
eptir AM. 424. 4:to, sem er afskript Árna sjálfs eptir skinnbók, er brann með öðru safni Rensens í Hafnarbrennu 1728,
og mundi hafa verið frá byrjun 14. aldar. Þessir annálar eru
notaðir við fyrri útgáfuna og þar kallaðir K.
II. Annales Vetustissimi, hér prentaðir stafrétt eptir skinnbókinni
AM. 415. 4:to, sem mundi vera frá öndverðri 14. öld. í fyrri
útgáfunni eru þessir annálar notaðir og kallaðir B. Munch
hélt að þetta handrit væri með hendi eins af skrifurum Hauks
Erlendssonar og því kallaði Jón Sigurðsson þá Hauksannála,
en prófessor Storm vill sýna að þetta sé ekki rétt.
III. Höyersannálar, hér prentaðir eptir afskript sem finst í AM.
22. Fol., sem er skrifuð í Björgvin í byrjun 17. aldar.
Annálarnir eru hér prentaðir með venjulegum rithætti sökum þess
að afskriptin var ekki trygg. Annálarnir eru ekki notaðir við
fyrri útgáfuna, og hafa að öðru leyti aldrei verið notadir nema
eitthvað við biskuparöðina hjá Hvítfeld 1604, en merkilegir eru
þeir og hafa mart, sem ekki er getið um í öðrum annálum.
IV. Annales regii eða Konungsannálar prentaðir stafrétt eptir
skinnbókinni í konunglegu bókhlöðunni í Kaupmannahöfn Nr.
2087. 4:to í eldra hluta safnsins og er frumstofn þeirrar bókar
frá upptökum 14. aldar. Annálarnir eru notaðir við fyrri
útgáfuna og kalladir C.
V. Skálholtsannálar prentaðir stafrétt eptir AM. 420. A 4:to, sem
er skinnbók fra ofvanverðri 14. öld. Þeir eru notaðir við
fyrri útgáfuna og kallaðir þar D.
VI. Annálsbrot frá Skálholti prentað stafrétt eptir AM. 423. Á
4:to sem mundi vera frá lokum 14. aldar og eru ein 3 skinnblöð. Brot þetta er notað við fyrri útgáfuna og kallad N.
Þessi annáll heldur Storm sé skrifaður í Möðruvallaklaustri
(XX); það mætti því næstum, til þess að láta hann eitthvað
heita, kalla hann Möðruvallaannál.
VII. Lögmannsannáll eða Annáll Einars prests Hafliðasonar eptir
AM. 420, B 4:to og fylt að framan og aptan eptir AM. 420.
C 4:to. Fyrra handritið sannar Storm að sé með eiginhendi
séra Einars með samanburði við íslenzk fornbréf, þó er það
einungis fyrsti hluti þess. AM. 420. C 4:to er ritað um eða
eptir miðbik 16. aldar og eru viðbætur þess prentaðar með
smáu letri. Þessi annáll er notaður við fyrri útgáfuna og kallaður E og hefir 420 c áður verið kallaður Skálholtsannáll nýi,
og er eptirrit af 420 B og svo framhaldið.
VIII. Gottskálksannáll eða annáll séra Gottskálks Jónssonar í
Glaumbo og er hann hér prentaður eptir skinnbókinni í
Stokkhólmi Nr. 5. 8:vo, en höfð til samanburðar handritin
AM. 412. 4:to og 429. 4:to. Gottskálksannáll hefir aldrei
verið prentaður fyrr, en á öndverðri 17. öld hafa ýmsir Íslendingar notað hann (Arngrímur Jónsson, Guðbrandur biskup,
Björn á Skarðsá) eptir því sem prófessor Storm sýnir fram á.
<< prev. page << föreg. sida << >> nästa sida >> next page >>
