Full resolution (TIFF) - On this page / på denna sida - J.: Anmälan av Storm: Islandske Annaler indtil 1578
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
294 J.
Hann er að ýmsu mjög merkilegur, einkum það, sem fornt er af
honum, en heldur enn ekki hattar fyrir við árið 1395, þegar
Gottskálk fer að segja sjálfur fréttirnar, og segist honum
sumstaðar alveg rangt fra. Hann lætur t. a. m. Lopt Guttormsson ríka deyja árið 1412 og Ingibjörgu konu hans, þar
sem það er víst af bréfum að Loptur dó í Augúst eða September 1432. Þessi villa um dánarár Lopts hefir smeigt sér
nokkud víða inn og finst hér og hvar í ættartölum frá síðari
tímum og er auðsjáanlega runnin frá Gottskálksannál í fyrstu.
Annálinn flutti Jón Eggertsson til Svíþjóðar 1682 og lá hann
svo í dái að öngar sögur fóru af honum fyrri en um miðbik
þessarar aldar, að Jón Sigurðsson vakti hann upp.
IX. Flateyjarannáll. Hér er að eins prentaður síðari hluti hans
og svo nokkrir sjálfstæðir kaflar frá 1150-1269 og nokkrar
leiðréttingar við útgáfuna í Flateyjarbók. Annáll þessi er
lagður til grundvallar fyrir Árna nefnðar útgáfunni og
kallaður þar A. Hér sýnir Storm fram á að Arngrímur Jónsson
hafi þekt og notað sjálfa Flateyjarbók, og hefir hann enda
leiðrétt ártöl í annálnum og skrifað leiðréttingar sínar í
skinnbókina. Hann skýrir og ítarlegar en áður er gert frá um
samsetning Flateyjarbókar og aldur hvors kaflans fyrir sig.
Kemst hann að þeirri niðurstöðu, að það sé einungis kafli
Jóns prests Þórðarsonar, sem sé endaður 1387, og sannar hann
að þá fer Jón til Noregs árið eptir og er þar í 6 ár eða
þangað til 1394, og þegar Jón fór utan hafi svo Magnús Þórhallason tekið við ok rekið rembihnútinn á. Eptir því, sem
séð verður, er séra Jón norðlenzkur, en um Magnús Þórhallason vita menn ekkert.
X. Oddverjaannáll prentaður eptir AM. 417. 4:to frá 16. öld ofanverðri, og er það hanðrit skrifað á pappír. í fyrri útgáfunni
er hann notaður og kallaður L. Árni Magnússon hefir kallað
þenna annál Oddverjaannál, líklega eptir því, sem aðrir hafa
kallað hann; sumir hafa kallað hann stutta annál eða Annales
breviores eða Annales medii. En ekkert af þessum nöfnum á
við, nema með svo feldu móti, að menn hafi hugsað sér, að
annáll sá sem liggur til grundvallar fyrir þessum hefði stafað
frá Oddaverjum fornu, og svo hafa menn álitið því vera varið,
því að á 17. öld voru menn á þeirri skoðun, að Sæmundur
fróði hefði ritað annála, og talar Björn á Skarðsá um það; en
þessa kreddu Björns míns trúir Storm ekki á., og hefir hann
þar mikið til síns máls, og eignar ekki Sæmundi né neinum
af Oddaverjum neina annála. Það er þá ekki líklegt, að
annálar Oddaverja hafi legið til grundvallar fyrir þessum Oddaverjaannál fremur en öðrum annálum úr því þeir öngva hafa ritað.
Storm hefir og svo skýrt og rækilega sýnt hver rit sá hefir
notað, er þenna annál hefir samantekið (XXXX-XXXXVI).
Að vísu gæti það glataða annálahandrit, er Storm (XXXX b)
getur um að liggi eitt með fleiru að nokkru til grundvallar
<< prev. page << föreg. sida << >> nästa sida >> next page >>
